Aaron Kwok អាយុ៥០ប៉ុន្តែមានមិត្តស្រីសាច់ខ្ចីល្វក់អាយុប្អូនជិតពាក់កណ្ដាល

2015-12-02 18:47:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតតែឈានចូលវ័យ៥០ឆ្នាំប៉ុន្តែតារាសម្ដែងហុងកុងAaron Kwok នៅតែមានសាច់ដុំកង់ៗមិនចាញ់ក្មេង។ ពេលថ្មីៗនេះ Aaronបានធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំងបន្ទាប់ពីបង្ហាញមុខមិត្តស្រីក្មេងលើបណ្ដាញ Weibo ។

កាលពីថ្ងៃអង្គារម្សិលមិញ តួប្រុសក្នុងរឿង "The Monkey King 2” បានបង្ហោះរូបកាន់ដៃគ្នានៅក្នុងឡានជាមួយមិត្តស្រីដែលជាតារាម៉ូដែលចិននាង Moka Fang មានអាយុទើបតែ២៧ឆ្នាំ ហើយថែមទាំង tag រូបនោះឲ្យមិត្តស្រីទៀតផង។

យោងតាមគេហទំព័រ Apple Daily បង្ហាញថា Moka Fangគឺជាមិត្តស្រីម្នាក់គត់ដែលAaron Kwok បង្ហាញមុខឲ្យគេស្គាល់ជាសាធារណៈ។ មុននឹងផ្ដើមស្នេហ៍ជាមួយ Moka តារាចម្រៀងនិងសម្ដែង Aaron ធ្លាប់មានស្នេហាលាក់បាំងជាមួយតារាម៉ូដែលចិនរយៈពេល៧ឆ្នាំ ប៉ុន្តែពួកគេក៏បែបគ្នាវិញកាលពី២ឆ្នាំមុន។

Aaron Kwok ជាតារាសម្ដែងជួរមុខហុងកុងមួយរូបដែលមានកេរ្តិ៍ឈ្មោះមិនចាញ់ Andy Lau និង Donnie Yenប៉ុន្មានទេ។ រឿងល្បីៗដែលគេធ្លាប់សម្ដែងមាន "Cold War”, “The Monkey King”និង "Silent Witness” ជាដើម៕