វីដេអូ​បង្ហាញ​ពី​កាយវិការ​បុរស​ចិន​ពីរ​នាក់ កំពុង​ធ្វើ​មុខ​មាត់​បែប​កំប្លែង​អម​ជា​មួយ​បទ​ចម្រៀង "As ​long as you love me" របស់​ក្រុម​ Backstreet Boys ជា​មូល​ហេតុ​ធ្វើ​ឲ្យ​លោក​ស្រី Susan Diane Wojcicki ចាប់​អារម្មណ៍​និង​សម្រេច​ចិត្ត​ទិញ​គេហទំព័រ​វីដេអូ​កម្សាន្ត​ដ៏​ពេញ​និយម YouTube ក្នុង​ឆ្នាំ ២០០៦។

លោកស្រី​ Susan ​ជា​នាយក​ប្រតិបត្តិ​គេហទំព័រ​មើល​វីដេអូ​ចម្រៀង​ធំ​បំផុត​ YouTube ដែល​ពី​មុន​​លោក​ស្រី​កាន់​តំណែង​ជា​អនុប្រធាន​​ផ្នែក​ផ្សព្វផ្សាយ ​និង​ពាណិជ្ជកម្ម​នៃ​ក្រុមហ៊ុន​ Google បាន​និយាយ​ថា៖ "​វីដេអូកំប្លែង​របស់​បុរស​ចិន​ជំរុញ​ទឹកចិត្ត​និង​​ធ្វើ​ឲ្យ​ខ្ញុំ​ដឹង​ថា​ មនុស្ស​ទាំង​អស់​នៅ​លើ​ពិភព​លោក​អាច​បង្កើត​មាតិកា​វីដេអូ​បាន​ដោយ​មិន​ត្រូវ​ការ​ស្ទូឌីយោ​ក៏បាន​"។

លោក​ស្រី Susan Diane Wojcicki បាន​សម្រេច​ចិត្ត​ឲ្យ​ក្រុមហ៊ុន Google ទិញ​យក​គេហទំព័រ YouTube ក្នុង​តម្លៃ ១,៦៥ពាន់​លាន​ដុល្លារ ហើយ​លោក​ស្រី​ Susan Diane Wojcicki ត្រូវ​បាន​ជ្រើស​តាំង​ជា​នាយក​ប្រតិបត្តិ​នៃ​គេហទំព័រ YouTube ​នេះ​តែ​ម្តង​។

បន្ត​អាន៖ ស្ត្រី​ខ្លាំង​ទាំង​ ៩ ​ក្នុង​វិស័យ​បច្ចេកវិទ្យា

បន្ត​អាន៖ តិច​ឬ​ច្រើន​ភាព​ខុស​គ្នា​រវាង​ប្រព័ន្ធ​ប្រតិបត្តិការ​​ Android និង iOS

ប្រែ​សម្រួល៖ រដ្ឋ ប្រភព៖ businessinsider ​