ស្ត្រីសម្រាលកូនរួចបារសុកមិនអស់ ត្រូវប្រឈមនឹងបញ្ហាអ្វីខ្លះ?

2015-12-08 12:19:47
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីសម្រាលបុត្ររួច ឆ្មបត្រូវធ្វើការបារបំណែកសុកទាំងអស់ចេញពីក្នុងពោះស្ត្រី ជាចាំបាច់។ ប៉ុន្តែបើឆ្មបមិនបានបារសុកឲ្យស្អាតទេ តើស្ត្រីនឹងប្រឈមបញ្ហាអ្វីខ្លះ?

អ្នកស្រី សូ សុផានី ប្រធានផ្នែកឆ្មប នៃសាកលវិទ្យាល័យពុទ្ធិសាស្ត្រ បានឱ្យដឹងថា នេះជាបញ្ហាមួយដែលស្ត្រីអាចមានគ្រោះថ្នាក់ដល់បាត់បង់ជីវិតដោយ សារការធ្លាក់ឈាមក្រោយសម្រាល។ កាលណាគេបារសុកមិនស្អាត វាបណ្ដាលអោយស្ត្រីធ្លាក់ឈាមខ្លាំង ដូច្នេះបើកាលណាធ្លាក់ឈាមខ្លាំង ស្ត្រីគួរតែទៅជួបគ្រូពេទ្យជំនាញដើម្បីធ្វើការពិនិត្យមើលបំណែកសុខ។

អ្នកស្រីក៏បាន លើកឡើងដែរថា សញ្ញាដែលបញ្ជាក់ថា សុកត្រូវបានបារស្អាតអស់ ពេលដែលស្ទាបទៅស្បូនឡើងរឹង បើស្បូនកន្ត្រាក់ខ្សោយវាឡើងទន់ ឯការធ្លាក់ឈាម បើឈាមនោះពណ៌ក្រហមមានន័យថាស្បូនរបស់ស្ត្រីអាចរហែក តែបើឈាមធ្លាក់មកមានពណ៌ក្រមៅ ហើយមានលក្ខណៈដុំ នោះបញ្ជាក់ថាសុករបស់គាត់កំពុងតែធ្លាក់មក ដោយសារការចាក់ថ្នាំជាដើម។

ប៉ុន្តែអ្នកស្រីក៏បានបញ្ជាក់ផងដែរថា ក្នុងករណីដែលមានទឹកនោមក្នុងប្លោកនោមពេញ ស្ត្រីក៏អាចធ្លាក់ឈាមបានដែរ បើទោះជាបារសុកបានស្អាតក៏ដោយ ដូច្នេះឆ្មបជំនាញក៏ត្រូវការបូមទឹកនោមរបស់ស្ត្រីចេញដែរ៕

សូមទស្សនាវីដេអូខាងក្រោម៖

https://www.youtube.com/watch?v=fpSeBXQ--Bs&feature=youtu.be

ចុចអាន៖ ស្ត្រីកាត់ស្បូនប្រឈមនឹងជំងឺពុកឆ្អឹងខ្ពស់

ចុចអាន៖ ស្រ្តីប្រឈមខ្លាំងជាងបុរសពីរដង ដែលងាយនឹងកើតជំងឺធ្លាក់ទឹកចិត្ត

អត្ថបទ៖ ណេង ណេង