Sir Alex ថា Leicester អាចឈ្នះជើងឯកលីកនៅរដូវកាលនេះ
- 2015-12-09 16:11:36
- ចំនួនមតិ 0 | ចំនួនចែករំលែក 0
Sir Alex ថា Leicester អាចឈ្នះជើងឯកលីកនៅរដូវកាលនេះ
ចន្លោះមិនឃើញ
Leicester City បានកសាងប្រវត្តិសាស្ត្រថ្មីដ៏គួរឲ្យភ្ញាក់ផ្អើលនៅរដូវកាលនេះក្រោយស៊ុតបញ្ចូលទី យកឈ្នះគូប្រជែងជាច្រើនក្រុមដើម្បីដណ្ដើមតំណែងកំពូលតារាង Premier League ជាបណ្ដោះអាសន្នត្រឹម សប្ដាហ៍ទី១៥។
ការលេងដ៏ល្អរបស់ក្រុមចាយលុយតិចខាងលើ បានធ្វើឲ្យលោក Sir Alex Ferguson អតីតអ្នកចាត់ការទូទៅ ដ៏ល្បីឈ្មោះបញ្ចេញទស្សនៈផ្ទាល់ខ្លួនថា Leicester អាចឈ្នះជើងឯកលីក នៅរដូវកាលនេះ បើសិនជាម្ចាស់ក្លិបហ៊ាន ចំណាយលុយទិញកីឡាករថ្មីនៅខែមករា។
ឆ្លើយតបក្នុងកិច្ចសម្ភាសន៍ជាមួយ Telegraph បុរសដែលជួយឲ្យ Man Utd ឈ្នះជើងឯក Premier League ១៣សម័យកាល បានបកស្រាយថា ម្ចាស់ក្លិប Leicester City គួរផ្តល់លុយមួយចំនួនដល់ លោក Claudio Ranieri ទិញកីឡាករថ្មីដើម្បីបន្តការប្រជែងជើងឯក។
"បើតាមការលេងនាពេលនេះ ពួកគេ (Leicester) អាចឈ្នះជើងឯកបាន បញ្ហាដែលសំខាន់ នៅត្រង់ម្ចាស់ក្លិបថាហ៊ានចាយលុយឬអត់? ខ្ញុំគិតថាពួកគេមានលុយ សម្រាប់ចំណាយ។" អតីតអ្នកចាត់ការវ័យ ៧៣ឆ្នាំបន្ថែមដូច្នេះ។
ក្នុងប្រវត្តិសាស្ត្រ១៣១ ឆ្នាំរបស់ Leicester City ក្រុមដែលមានរហស្សនាមថា The Foxes មិនដែល ឈ្នះជើងឯកអង់គ្លេសម្តងណាទេ ចំណាត់ល្អបំផុត គឺពួកគេធ្លាប់បានលេខ២ម្តងកាល ពីរដូវកាល ១៩២៨-២៩៕
-ចុចអាន៖ Sir Alex បារម្ភខ្លាច Klopp ជួយ Liverpool ឲ្យល្អជាង Man Utd
ប្រែសម្រួល៖ រុន វីរ៉ុត ប្រភព៖ caughtoffside