ក្រោយ​ស្ងប់ស្ងាត់​មួយ​រយៈ​ធំ កំពូល​តារា​កំប្លែង​និង​អ្នក​ដឹកនាំ​រឿង​ហុងកុង Stephen Chow ហៅ ទិនហ្វី បាន​ប្រកាស​ចេញ​ស្នាដៃ​ថ្មី​របស់​ខ្លួន​មួយ​រឿង​ទៀត គឺ​រឿង "The Mermaid”។ តារា​កំប្លែង​​វ័យ ៥៣ឆ្នាំ រួម​ជាមួយ​តួ​សម្ដែង​សំខាន់ៗ​​ជា​ច្រើន​ទៀត​ បាន​ចូលរួម​ក្នុង​សន្និសីទ​កាសែត​សម្រាប់​ភាពយន្ត​ថ្មី​នេះ នៅ​ទីក្រុង​ប៉េកាំង ប្រទេស​ចិន កាល​ពី​ថ្ងៃ​ទី​៩ ខែ​ធ្នូ ម្សិលមិញ​។

ខ្សែ​ភាពយន្ត "The Mermaid” បរិយាយ​ពី​សាស្ត្រាចារ្យ​ជីវវិទ្យា​ម្នាក់​ដែល​បាន​រក​ឃើញ​ និង​លង់​ស្នេហ៍​ទេព​មច្ឆា​ដ៏​ស្រស់​ស្អាត​មួយ​រូប។ ដឹកនាំ​ដោយ Stephen Chow “The Mermaid” រួម​សម្ដែង​ដោយ​តារា​ល្បី​ៗ​ដូច​ជា Deng Chao, Show Luo, Kris Wu, Zhang Yuqi និង​តារា​ស្រី​ជើង​ថ្មី Lin Yun ដែល​ដើរ​តួ​ជា​ទេព​មច្ឆា។

ភាពយន្ត​ថ្មី​នេះ នឹង​ចាប់​ផ្ដើម​បញ្ចាំង​​នៅ​ប្រទេស​ចិន នៅ​ថ្ងៃ​ទី​៨ ខែ​កុម្ភៈ ឆ្នាំ​២០១៦ ដែល​ត្រូវ​នឹង​ឱកាស​បុណ្យ​ចូលឆ្នាំ​ចិន​តែ​ម្ដង៕

ទិនហ្វី កាល​ចូលរួម​កម្មវិធី​​ជ្រើសរើស​តួ​ស្រី​សម្រាប់​រឿង "The Mermaid"

Lin Yun តួ​នាង​មច្ឆា

ចុចអាន៖ទ្រព្យ​សម្បត្តិ​ដ៏​ស្ដុកស្ដម្ភ​​របស់​កំពូល​តារា​ក្បាច់​គុន​ចិន​ ហុងកុង​ទាំង​ ៣រូប​

ចុចអាន៖៧​រឿង​ល្អ​ៗ​មើល ដែល​ទិនហ្វី និពន្ធ ដឹកនាំ និង​សម្ដែង​ខ្លួន​ឯង​

ប្រែ​សម្រួល៖ វ៉ាន់ថន ប្រភព៖ xinhuanet