ចំណុចមួយចំនួនរបស់រថយន្ត Highlander ដែលអ្នកប្រហែលមិនដឹង

2015-12-16 15:15:38
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកទាំងអស់គ្នាពិតជាបានស្គាល់រួចមកហើយនូវរថយន្ត Highlander ហើយអ្នកខ្លះក៏បានទិញយកទៅប្រើប្រាស់រួចហើយដែរ។ ប៉ុន្តែអ្នកទាំងអស់គ្នាប្រាកដជាមិនបានចាប់អារម្មណ៍ទៅលើប្រវត្តិរបស់រថយន្តម៉ូដែលនេះទេ។ តាមពិតទៅ Toyota Highlander មានឈ្មោះពីរ គឺ Toyota Highlander និង Toyota Kluger ហើយរថយន្តនេះមានវត្តមានដំបូងនាឆ្នាំ២០០០។ Highlander ត្រូវបានគេបែកចែកជាបីជំនាន់ ហើយជំនាន់នីមួយៗមានលក្ខណៈសម្បត្តិផ្សេងៗគ្នា។

@ជំនាន់ទី១ ម៉ូដែលឆ្នាំ២០០១ ដល់ ២០០៧៖

មានកៅអី៥សម្រាប់ម៉ូដែលឆ្នាំ២០០១, ២០០២ និង ២០០៣។ Highlander ទំនាន់ទីមួយនេះមានបំពាក់ម៉ាស៊ីន២ប្រភេទ ដែលអ្នកអាចជ្រើសរើសបាន គឺម៉ាស៊ីន៤ ទំហំ២.៤លីត្រ កម្លាំង១៥៥សេះ និងម៉ាស៊ីន៦ ទំហំ៣.០លីត្រ កម្លាំង២២០សេះ។ ចូលដល់ម៉ូដែលឆ្នាំ២០០៤ ឬពាក់កណ្ដាល់ជំនាន់ទីមួយ រថយន្ត Highlander ធ្វើការកែប្រែរដោយពង្រីកកន្លែងអង្គុយបន្ថែមបានរហូតបាន៧នាក់ និងបំពាក់ម៉ាស៊ីនពីប្រភេទដែរ គឺម៉ាស៊ីន៤ ទំហំ២.៤លីត្រ កម្លាំង១៥៥សេះ និងម៉ាស៊ីន៦ ទំហំ ៣.៣លីត្រ កម្លាំង២៣០សេះ។ ប៉ុន្តែនៅម៉ូដែលបន្ទាប់ ២០០៥, ២០០៦, ២០០៧ រថយន្ត Highlander ម៉ាស៊ីន៦ ត្រឡប់មកទំហំ៣.០លីត្រ កម្លាំង២២០សេះវិញ។ នេះបើយោងតាមគេហទំព័រ Nadaguides។

ជាមធ្យមរថយន្តនេះស៊ីសាំងត្រឹម១២.៣លីត្រប៉ុណ្ណោះក្នុងចម្ងាយ១០០គីឡូម៉ែត្រ។ រថយន្តម៉ូដែលនេះមានតម្លៃចន្លោះពី១២០០០ដុល្លារទៅ ២៥០០០ដុល្លារ តម្លៃលើទីផ្សារបរទេស។ នៅអាមេរិកខាងជើង Toyota បានបង្ហាញនូវ Highlander Hybrid ដំបូងលើម៉ូដែលឆ្នាំ២០០៦ ដោយបំពាក់ម៉ាស៊ីនម៉ាស៊ីន៦ ទំហំ៣.៣លីត្រ សន្សំសំចៃសាំងតិចជាងមុន។

@ជំនាន់ទី២ ម៉ូដែលឆ្នាំ២០០៨ ដល់ ២០១៣៖

កាន់តែទំនើប និងសន្សំសំចៃខ្ពស់សម្រាប់ម៉ូដែលថ្មីនេះ Highlander ២០០៨ មានបំពាក់នូវម៉ាស៊ីន៦ ទំហំ៣.៥លីត្រ កម្លាំង២៧០សេះ និងគ្មានម៉ាស៊ីន៤ទៀតទេ ប៉ុន្តែចូលដល់ម៉ូដែលឆ្នាំ២០០៩, ២០១០, ២០១១, ២០១២, ២០១៣ និង ២០១៤ Toyota បានបំពាក់ម៉ាស៊ីន៤ ឡើងវិញ តែទំហំ២.៧លីត្រ កម្លាំង១៨៧សេះ។ នេះបើយោងតាមគេហទំព័រ Nadaguides។

ជាមធ្យមសម្រាប់ម៉ូដែល Hybrid រថយន្តនេះស៊ីសាំង៨.៧លីត្រក្នុង១០០គីឡូម៉ែត្រសម្រាប់ផ្លូវក្នុងក្រុង និង៩.៤លីត្រក្នុង១០០គីឡូម៉ែត្រសម្រាប់ផ្លូវ Highway។ រីឯម៉ូដែលមិនមាន Hybrid ស៊ីសាំង១៣លីត្រក្នុង១០០គីឡូម៉ែត្រសម្រាប់ផ្លូវក្នុងក្រុង និង៩.៨លីត្រក្នុង១០០គីឡូម៉ែត្រសម្រាប់ផ្លូវ Highway។ រថយន្តម៉ូដែលនេះមានតម្លៃចន្លោះពី៣០០០០ដុល្លារ ដល់៦០០០០ដុល្លារ។ ចំពោះរូបរាងធំជាងមុន ហើយផ្ទៃខាងក្នុងក៏ទូលាយជាងមុនដែរ។

@ជំនាន់ទី៣ ម៉ូដែលឆ្នាំ២០១៤ ដល់ ២០១៦៖

សម្រាប់ម៉ូដែលចុងក្រោយនេះ គ្រាន់តែលឺក៏ដឹងថា វាទំនើបយ៉ាងណាហើយ ជាមួយកៅអីដល់ទៅ៨, បច្ចេកវិទ្យាសុវត្ថិភាព, អេក្រង់ Touch Screen សម្រាប់បញ្ជាមុខងារផ្សេងៗនៅក្នុងរថយន្ត និងលក្ខណៈសម្បត្តិជាច្រើនទៀត។ ចំពោះតម្លៃរថយន្ត ម៉ូដែលនេះមានតម្លៃចន្លោះពី៦៥០០០ដុល្លារឡើងទៅ តម្លៃនៅលើទីផ្សារបរទេស៕

ចុចអាន៖ ពីក្រោយរឿងអាថ៌កំបាំងកំពូលរថយន្តល្បីៗសឹងមិនគួរឲ្យជឿ

ប្រែសម្រួល៖ រដ្ឋ ប្រភព៖ nadaguides, cargurus