រថយន្តអង្គរល្បី បង្កប់អាថ៌កំបាំងពលរដ្ឋមិនទាន់បានដឹង
- 2015-12-25 14:00:31
- ចំនួនមតិ 0 | ចំនួនចែករំលែក 0
រថយន្តអង្គរល្បី បង្កប់អាថ៌កំបាំងពលរដ្ឋមិនទាន់បានដឹង
ចន្លោះមិនឃើញ
រថយន្តអង្គរជារថយន្តខ្មែរដ៏ល្បីល្បាញដែលជាគំនិតច្នៃប្រឌិតដ៏អស្ចារ្យរបស់ស្ថាបនិកលោក ញាន ផល្លឹក។ រថយន្តអង្គរមិនត្រឹមទទួលស្គាល់ពីពលរដ្ឋក្នុងស្រុក តែក៏ទទួលបានការកោតសរសើររហូតដល់បណ្ដាញផ្សព្វផ្សាយធំៗនៅបរទេសបានចុះមកផ្សព្វផ្សាយយ៉ាងព្រោងព្រាត។
តើប្រិយមិត្តដឹងអីខ្លះពីរថយន្តអង្គរនិងអាថ៌កំបាំងពីក្រោយក្នុងការផលិតរថយន្តជាមោទនភាពរបស់ខ្មែរនេះ?
@ មូលហេតុបង្កើតរថយន្តអង្គរដំបូងរបស់លោក ញាណ ផល្លឹកដោយសារមានការជំរុញពីកូនស្រីច្បងរបស់លោកគឺកញ្ញាញាន លក្ខិណា ទើបធ្វើឲ្យលោកលេចគំនិតក្នុងការបង្កើតរថយន្តអង្គរនេះឡើង។
@ រថយន្តអង្គរទោះបីជាស្នាដៃរចនាឡើងដោយលោកញាន ផល្លឹក ប៉ុន្តែរាល់គំនិតការឌីហ្សាញនានាជាគំនិតកូនស្រីលោកគឺកញ្ញា ញាន លក្ខិណា។
@ រថយន្តអង្គរជារថយន្តធ្វើឡើងដោយដៃផ្ទាល់មិនបានប្រើគ្រឿងចក្រជំនួយនោះទេ។
@ គិតពីមកទល់ពេលនេះ រថយន្តអង្គរចេញបាន ៥ ជំនាន់មាន រថយន្តអង្គរ ២០០៣, រថយន្តអង្គរ ២០០៤ , រថយន្តអង្គរ ២០១០, រថយន្តអង្គរ EV ២០១៣ និងរថយន្តអង្គរ EV ២០១៤។
@ បណ្ដាញសារព័ត៌មានល្បីៗលើពិភពលោកធ្លាប់បានចុះផ្សាយពីរថយន្តអង្គរមានដូចជា NHK របស់ជប៉ុន, CNN របស់អាមេរិក ក៏ដូចជាបណ្ដាញសារព័ត៌មាន AP, REUTERS និងសារព័ត៌មានក្នុងស្រុកជាច្រើនទៀត។
@ ឆ្នាំ ២០១០ រថយន្តអង្គរត្រូវបានក្រសួងឧស្សាហកម្ម រ៉ែ និងថាមពលចេញវិញ្ញាបនបត្របញ្ជាក់ចុះបញ្ជីគំនូរឧស្សាហកម្មដើម្បីការពារកម្មសិទ្ធិបញ្ញា។
@ រថយន្តអង្គរធ្លាប់ត្រូវបានគេយកប្រើប្រាស់ដើម្បីផ្សព្វផ្សាយពីទេសចរកម្ពុជានៅលើទូរទស្សន៍ CNN។
@ រថយន្តអង្គរផលិតឡើងប្រកបដោយបច្ចេកវិទ្យាខ្ពស់ និងមោទនភាពរបស់ជាតិកម្ពុជា រហូតធ្វើឲ្យមន្រ្តីជាន់ខ្ពស់វៀតណាមបង្អាប់ធនធានក្នុងស្រុករបស់ខ្លួនដែលមិនអាចផលិតរថយន្តដ៏ល្អ និងមានការទទួលស្គាល់ដូចរថយន្តអង្គរ។
ចុចអាន៖ ញាន ផល្លឹកឈានទៅបង្កើតរថយន្តប្រើថាមពលពន្លឺព្រះអាទិត្យ អនាគតនាំចេញទៅក្រៅប្រទេស។
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
