ចង់ទៅឆ្លងឆ្នាំតំបន់សមុទ្រ? នេះនែ! អត់កន្លែងគេងទេ!

2015-12-29 13:00:16
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតមកត្រឹមថ្ងៃច័ន្ទទី ២៨ ខែធ្នូល្ងាចម្សិលមិញនេះ សណ្ឋាគារ ផ្ទះសំណាក់ ដែលជាដៃគូររបស់ Booking .com សឹងតែ ៩៩ ភាគរយ បានបិទបញ្ចប់ការកក់ទុករបស់អតិថិជនតាមអនឡាញទៅហើយ។

ភាគរយតិចតួចដែលសល់ គឺសម្រាប់តែដំណើរទៅដល់យប់ទី ២៩ នេះនិងយប់ទី ៣០ ធ្នូស្អែក រឺឯចាប់ពីយប់ទី ៣១ ដល់យប់ទី ១ខែ មករាឆ្នាំ ២០១៦ ពោលគឺវេលាមាសនៃវិស្សមកាល Countdown ត្រូវភ្ញៀវជាតិនិងអន្តរជាតិកក់ទុកពេញទំាងអស់តាំងពីសប្តាហ៍មុន។

«មិនថានៅខេត្តព្រះសីហនុ ខេត្តកែប ក្រុងកំពតទេ ជាង៩០ភាគរយកក់អស់ហើយបើនៅសល់គឺនៅសល់តែផ្ទះសំណាក់តូចៗដែលមិនមានសម្ពន្ធជាមួយbooking .com រឺសណ្ឋាគារធំៗថ្លៃៗផុតគេជាដើម តែក៏មិនសល់ច្រើនដែរ អញ្ចឹងមិនធានាទេ ថាភ្ញៀវអាចមានទីសំណាក់ដែរអត់ប្រសិនប្រថុយទៅ»

នេះជាការលើកឡើងរបស់លោក ប៉ែន ស៊ីថា បុគ្គលិកភ្នាក់ងារទេសចរ មួយកន្លែងដែលសុំមិនបញ្ចេញឈ្មោះក្រុមហ៊ុន ។ប្រាប់មកSabayនៅមុននេះបន្តិចលោកអះអាងថា ភ្ញៀវនៅតេអាចទៅកាន់តំបន់សមុទ្រប្រសិនបើគេមានផ្ទះបងប្អូនមិត្តភក្តិដែលអាចស្នាក់នៅបាន ចំណែកគម្រោងថាទៅដល់សិនសឹមគិតប្រហែលជានឹងពិបាកហើយ។

«ព្រោះទោះគាត់បកទៅណាវិញក៏ពេញដែរ តាមខ្ញុំដឹងសូម្បីលើគីរីរម្យ ក៏មិនមានសល់បន្ទប់ទេនៅយប់Countdown »។