តោះ! មានគ្រឿងផ្សំអស់ហើយ រៀនធ្វើមី Ramen ជប៉ុន ញ៉ាំដោយខ្លួនឯង

2016-01-05 21:52:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Ramen ជាមុខម្ហូបមីជប៉ុនល្បីមួយ ដែលគេនិយមញ៉ាំច្រើននៅតាមភោជនីយដ្ឋានបែបជប៉ុន។ គេអាចធ្វើស៊ុបមី Ramen ញ៉ាំតាមរសជាតិដែលចូលចិត្តដោយខ្លួនឯងបាន។ ខាងក្រោមនេះជារបៀបធ្វើមី Ramen ជាមួយទឹកស៊ុបសាច់ជ្រូក ណែនាំដោយ វិបសាយ Japanese Cooking 101៖

+ មី

មី (Ramen) ជប៉ុន (២២៥ ក្រាម អ្នកអាចរកទិញបាននៅផ្សារទំនើប) សាច់ជ្រូក (កន្លះគីឡូក្រាម ប្រឡាក់អំបិលនិងដាក់ក្លាស្សេមួយយប់) ស៊ុត (១គ្រាប់) សណ្ដែកបណ្ដុះ ដើមខ្ទឹម ទឹក (២ លីត្រ) ម្សៅសូដា (២ស្លាបព្រាបាយ)

+ ស៊ុប ទឹក (១,៥ លីត្រ) មើមខ្ញី (ជាចំណិត ៥០ ក្រាម) ខ្ទឹមស (៣ កំពឹស) ទឹកស៊ីអីវ (៤ ស្លាបព្រាបាយ) អំបិល (១ ស្លាបព្រាកាហ្វេ) ប្រេងល្ង (១ ស្លាបព្រាកាហ្វេ)

១. យកសាច់ជ្រូកដែលបានប្រឡាក់អំបិលនិងក្លាស្សេរួច ដាក់ក្នុងឆ្នាំង ដាក់ទឹក ខ្ញី ខ្ទឹមស ដើមខ្ទឹម កម្ដៅឲ្យពុះ។ ស្រង់យកសាច់ជ្រូក និងគ្រឿងផ្សំចេញ ដោយទឹកស៊ុបរម្ងាស់ចោល ប្រហែល ១ទៅ ២ ម៉ោង រួចបង់ អំបិល ប្រេងល្ង ទឹកស៊ីអីវ ។

២. រៀបចំ គ្រឿងទេសសម្រាប់ដាក់ក្នុងមី ដោយចម្អិនស៊ុត ស្រុះសណ្ដែកបណ្ដុះ ហាន់ដើមខ្ទឹម រួចរៀបចំស្រុះមី នឹងទឹកក្ដៅដោយបង់ម្សៅសូដាមុន រួចស្រុះរយៈពេល៣០វិនាទី។

៣. រៀបចំស្រង់មី ដាក់ក្នុងចាន ថែមទឹកស៊ុប និងរៀបបន្ថែមគ្រឿង ដើមខ្ទឹមហាន់ ស៊ុត សាច់ជ្រូកបន្ទះពីលើជាការស្រេច៕