អាហារ៥មុខ ជួយបំបាត់ភាពស្ត្រេស តប់ប្រមល់

2016-01-08 23:01:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលមានអារម្មណ៍តានតឹង អារម្មណ៍ស្រ្តេសកើតឡើង មនុស្សជាច្រើនជ្រើសរើសវិធីផ្សេងៗដើម្បីបំបាត់អារម្មណ៍តប់ប្រមល់ទាំងនោះ។ តាមរយៈការដើរលេងលំហែខួរក្បាល ឬវិធីជាច្រើនទៀត ជាមួយគ្នានោះ វិបសាយសុខភាព Food Network និង Health 24 ក៏បានណែនាំ អាហារមួយចំនួនសម្រាប់ញ៉ាំដែលមានប្រសិទ្ធភាព អាចបំបាត់អាការៈស្តែ្រសតប់ប្រមល់បាន៖

១. ចេក

ផ្លែចេកសំបូរសារជាតិ ប៉ូតាស្យូម ជារ៉ែខនិជសំខាន់មួយជួយបំបាត់អារម្មណ៍តានតឹងបានពេលបរិភោគ។ សារជាតិ អាមីណូអាស៊ីត ល្អ Tryptophan មាននៅក្នុងចេកជួយឲ្យអារម្មណ៍អ្នកស្ងប់ស្ងៀម ដោយជួយបង្កើត អ័រម៉ូន Serotonin (អ័រម៉ូនធ្វើមានអារម្មណ៍ស្រស់ថ្លា)។

២. ទឹកដោះគោ ឬ ទឹកដោះគោជូរ

ទឹកដោះគោ ឬ ទឹកដោះគោជូរ (យ៉ាអួរ) សំបូរដោយជាតិកាល់ស្យូម និងវីតាមីន B ល្អសម្រាប់ការលូតលាស់ឆ្អឹងនិងធ្មេញ និងសំខាន់សម្រាប់សុខភាពសរសៃប្រសាទផងដែរ។ ក្នុងទឹកដោះគោ ឬយ៉ាអួរ ក៏មានសារជាតិ Tryptophan ដែលជួយឲ្យអារម្មណ៍អ្នកស្ងប់ស្ងាត់ បំបាត់ស្រ្តេស។ ការញ៉ាំទឹកដោះគោមួយកែវមុនចូលគេង ជាការណែនាំពីអ្នកជំនាញសុខភាពជាច្រើន ជួយឲ្យអ្នកគេងលក់ស្កប់ស្កល់។

៣. ក្រូច

ផ្លែក្រូចច្រើនប្រភេទ សំបូរដោយវីតាមីន C ។ វីតាមីន C ក្នុងផ្លែក្រូចជួយពង្រឹងប្រព័ន្ធស៊ាំនិងប្រឆាំងនឹងភាពស្រ្តេស។ វីតាមីន C ជាសារធាតុប្រឆាំងអុកស៊ីតកម្ម ដែលជួយរក្សារ៉ាឌីកាល់សេរី ត្រួតពិនិត្យនិងជួសជុលកោសិកាចាស់ៗនៃរាងកាយផងដែរ។

៤. សាច់ត្រី

សាច់ត្រី ជាពិសេស សាច់ត្រីធូណា ត្រី ម៉ាខែរែល សំបូរជាតិ អូមេហ្គា3 ដែលជួយអារម្មណ៍ឲ្យបានល្អប្រសើរ កាត់បន្ថយអារម្មណ៍ស្រ្តេស។ ជាតិ អូមេហ្គា3 ជាអាស៊ីតខ្លាញ់ឆ្អែត ដែលជួយការពារសុខភាពបេះដូងពីជំងឺ បេះដូងផងដែរ។

៥. គ្រាប់ធញ្ញជាតិ

គ្រាប់ធញ្ញជាតិ សំបូរជាតិវីតាមីន B ម៉ាញ៉េស្យូម ជាតិសរសៃ Fiber ជួយរក្សាកម្រិតជាតិស្ករឲ្យបានល្អ និងជួយបំបាត់អារម្មណ៍ស្រ្តែស។ គ្រាប់ផ្លែឈើ(Nut អាចរកទិញបាននៅផ្សារទំនើប) សណ្ដែកដី សំបូរជាតិ វីតាមីន B វីតាមីន E ម៉ាញ៉េស្យូម ស័ង្កសី ជួយបំបាត់ភាពស្រ្តែសបានដោយមានប្រសិទ្ធភាពផងដែរ៕