តំបន់ទេសចរណ៍ ១០កន្លែងទាក់ទាញបំផុត នៅម៉ាឡេស៊ី

2016-01-15 22:00:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាទូទៅប្រិយមិត្ត ធ្លាប់ស្គាល់ប្រទេសម៉ាឡេស៊ី តាមរយៈប៉ម Twin Tower ដ៏ខ្ពស់ត្រដែតលើអាកាស ដែលជានិមិត្តរូបប្រទេស និងជាតំបន់ទេសចរណ៍ដ៏ពេញនិយមបំផុតនៅទីក្រុងកូឡាឡាំពួរ។

ក្រៅពីនេះ ម៉ាឡេស៊ី មានទីកន្លែងគួរឲ្យចាប់អារម្មណ៍ជាច្រើនផ្សេងទៀត ដូចជាព្រៃភ្នំ ប្រភេទស្វា Orangutans ថ្មក្រានីតស្រួចៗ កោះស្អាតៗ រមណីយដ្ឋានប្រណិតៗ ទីក្រុងសម័យអាណានិគម និងតំបន់ជនជាតិភាគតិចជាច្រើនផ្សេងទៀត។

ភ្ញៀវទេសចរបរទេសជិត ២លាននាក់ទៅទស្សនាម៉ាឡេស៊ី ក្នុងឆ្នាំ ២០១០ ដែលភាគច្រើនមកពីប្រទេសក្បែរខាង ដូចជាសិង្ហបុរី និងឥណ្ឌូណេស៊ី ហើយចំនួនអ្នកទេសចរបរទេសផ្សេងទៀតក៏មានច្រើនដែរ។ ខាងក្រោមនេះ ជាតំបន់ទេសចរណ៍កំពូលគេ ១០កន្លែង ដែលមានអ្នកទស្សនាយ៉ាងច្រើនពីមួយឆ្នាំ ទៅមួយឆ្នាំ។

១០. តំបន់ខ្ពង់រាប Cameron

Cameron ជាតំបន់ដីទួលគួរឲ្យចាប់អារម្មណ៍បំផុត នៅម៉ាឡេស៊ី ដែលបានអភិវឌ្ឍដំបូងនៅឆ្នាំ ១៩២០ ដោយប្រទេសអង់គ្លេស។ ទីនេះមានពលរដ្ឋរស់នៅប្រមាណ ៣៤ ០០០នាក់ ដែលមានជនជាតិ ម៉ាឡេ ចិន ឥណ្ឌា និងក្រុមជនជាតិភាគតិចជាច្រើនទៀត។ ភាពល្បីល្បាញនៅទីនេះ គឺផ្លូវដើរកាត់តាមដំណាំតែ ដ៏ខៀវស្រងាត់ ឆ្ពោះទៅកាន់ទឹកធ្លាក់មួយកន្លែង។

៩. ទីក្រុងបុរាណ Georgetown

Georgetown មានទីតាំងនៅភាគឦសាន កោះ Penang ដែលប្រជាជននៅទីនោះភាគច្រើនមានដើមកំណើតចិន។ ដោយសារការគ្រប់គ្រងតឹងតែង តូប ឬហាងនានាសម័យអាណានិគមអង់គ្លេស អាចរក្សារូបរាងបានយ៉ាងល្អ។ ក្រុងនេះ ត្រូវគេទទួលស្គាល់ជាផ្លូវការថា មានស្ថាបត្យកម្ម និងវប្បធម៌ដ៏ល្អ តែមួយគត់នៅអាស៊ីអាគ្នេយ៍។

៨. ឧទ្យានជាតិ Taman Negara

Taman Negara ជាតំបន់ព្រៃត្រូពិកចំណាស់ជាងគេបំផុតក្នុងលោក និងមានដើមឈើធំៗ ទឹកជ្រោះ ផ្លូវកាត់ព្រៃដ៏វែង។ ផ្លូវដើរតាមស្ពានយោល ជាច្រើនខ្សែ អាចនាំភ្ញៀវទេសចរ ដើរមើលព្រៃព្រឹក្សា ដោយមិនបាច់មានអ្នកនាំផ្លូវ។ Taman Negara គឺជាឋានសួគ៌របស់ប្រភេទសត្វជិតផុតពូជ ដូចជាដំរីអាស៊ី ខ្លា ខ្លារខិន និងដំរីទឹក តែចំនួនទាំងនោះមានកម្រិតទាប។ ក្រៅពីនេះ អ្នកទេសចរ អាចមើលបក្សី ក្ដាន់ ត្រកួត ពស់ជាច្រើន។

៧. កូនកោះ Pulau Tioman

Tioman គឺជាកោះតូចមួយស្ថិតនៅតាមឆ្នេរឧបទ្វីបម៉ាឡេស៊ី។ ក្នុងឆ្នាំ ១៩៧០ ទស្សនាវដ្ដី Time Magazine បានចាត់ថ្នាក់ Tioman ជាកោះស្អាតជាងគេបំផុតមួយក្នុងលោក។ ទេសភាពនៅទីនេះ អមដោយផ្កាថ្មដ៏ច្រើន ព្រៃក្រាស់ ទឹកថ្លាគួរឲ្យចង់ងូត។

៦.ភ្នំ Kinabalu

Kinabalu មានកម្ពស់ ៤ ០៩៥ ម៉ែត្រ ដែលជាភ្នំខ្ពស់បំផុតនៅលើកោះ Borneo និងមានរុក្ខជាតិដុះចម្រុះគ្នា ៦០០ប្រភេទ សត្វបក្សី ៣២៦ប្រភេទ និងថនិកសត្វ ១០០ប្រភេទ។ អ្នកទេសចរអាចឡើងដល់កំពូលភ្នំយ៉ាងងាយស្រួល ដោយមិនបាច់ប្រើឧបករណ៍ជំនួយ និងមានស្ថានភាពល្អប្រសើរ តែត្រូវអមដំណើរដោយអ្នកនាំផ្លូវគ្រប់ពេល។

៥. អគារភ្លោះ Petronas Twin Towers

អគារនេះស្ថិតនៅទីក្រុងកូឡាឡាំពួរ ធ្លាប់ក្លាយជាអគារខ្ពស់បំផុតក្នុងលោក តែត្រូវអគារ Taipei 101 ជាន់របស់កោះតៃវ៉ាន់ វ៉ាដាច់ដំបូងនៅឆ្នាំ ២០០៤។ ទោះជាយ៉ាងណា អគារនេះ នៅតែជាប់ឈ្មោះជាអគារភ្លោះ(ពីរជាប់គ្នា) ខ្ពស់បំផុតក្នុងលោក ដោយមានកម្ពស់ ៨៨ជាន់ សង់ពីបេតុង ដែកថែប និងផ្ទៃខាងៗកញ្ចក់ ជាមួយរចនាបថបែបសិល្បៈឥស្លាម។ Petronas Twin Tower មានស្ពានអាកាស មួយនៅជាន់ទី ៤១ និង៤២។

៤. ប្រជុំកោះ Langkawi

Langkawi ជាទីកន្លែងល្បីឈ្មោះបំផុតសម្រាប់លំហែកាយថ្ងៃឈប់សម្រាក និងមានកូនកោះចំនួន ៩៩ ក្នុងសមុទ្រ Andaman ជាប់ព្រំដែនថៃ។ ទេសភាពទីនេះមានឆ្នេរខ្សាច់ពណ៌ស វែងអន្លាយ ព្រៃភ្នំគ្រប់ដណ្ដប់ដោយទួល និងផ្ទាំងថ្មតូចធំ។ ប្រជាជនរស់នៅលើកោះមានចំនួន ៦៥ ០០០នាក់។

៣. កោះ Perhentian

កោះនេះមានទីតាំងស្ថិតនៅ ភាគឦសានម៉ាឡេស៊ី នៅមិនឆ្ងាយពីព្រំដែនថៃឡើយ។ សម្រស់កោះបានអន្ទងចិត្តអ្នកទស្សនាតាមរយៈឆ្នេរដ៏ស្រស់ស្អាត ទឹកថ្លាខៀវ មុជទឹក នឹងថ្លៃស្នាក់នៅសមរម្យ។

២. សួនសត្វ Sepilok Orang Utan

សួនសត្វនេះបានបើកដំណើរការ នៅឆ្នាំ ១៩៦៤ សម្រាប់ជួយសង្គ្រោះកូនស្វាកំព្រា ពីកន្លែងកាប់ឈើ ចម្ការ និងការប្រមាញ់នានា ដែលអ្នកទេសចរចូលចិត្តទៅកម្សាន្ត។

១. រូងភ្នំ Mulu

រូងភ្នំ Mulu ស្ថិតនៅឧទ្យានជាតិ Gunung Mulu លើកោះ Borneo ដែលសម្បូរទៅដោយរូងភ្នំប្លែកៗ មិនគួរឲ្យជឿជាច្រើនកន្លែង រួមជាមួយព្រៃភ្នំ។ រូងដ៏ធំជាងគេ អាចផ្ទុកយន្តហោះ Boeing 747 មិនមានស្លាបបានចំនួន ៤០គ្រឿង៕

ចុចអាន៖ តំបន់ទេសចរណ៍១០កន្លែង ទាក់ទាញបំផុតនៅវៀតណាម

ប្រែសម្រួល៖ឡេង ភារុណ ប្រភព៖ Touropia

ពាក្យទាក់ទង

តំបន់ទេសចរណ៍អន្តរជាតិ

អត្ថបទពេញនិយម

អ្វីទៅអ៊ីនធឺណិតផ្កាយរណប ហើយខុសពីអ៊ីនធឺណិតយើងប្រើរាល់ថ្ងៃដូចម្ដេចខ្លះ?

ព្រឹត្តិការណ៍ Lotus Legacy: The Spirit of Racing បង្ហាញពីអនាគតរថយន្តដ៏ប្រណិត Lotus Eletre

គ្រុឌគុនខ្មែរ ចេញទៅផ្សព្វផ្សាយគុនខ្មែរ នៅប្រទេសក្រិកដែលជាប្រទេសដើមកំណើតកីឡាអូឡាំពិក

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

Vinicius JR នៅលើគេនាមកីឡាកររកគ្រាប់ និង Assists

ចាយត្រឹម១៤០០០០ម៉ឺន ! អាចទៅលេងបុណ្យភូមិមានជើងនៅមណ្ឌលគិរី! សំខាន់គេងអូតែល និង នាំទៅដើរ លេងកន្លែងស្អាតៗទៀត

អត្ថបទថ្មី

ក្រុមតេក្វាន់ដូ ITF ក្រសួងមហាផ្ទៃ៖ សមត្ថភាពមិនធម្មតាជាប់ចំណាត់ថ្នាក់លេខ១ រហូត ២ដងជាប់គ្នានៅកីឡាជាតិ លើកទី៣-៤ ក្នុងចំណោមកីឡាទាំងអស់របស់ក្រសួង

ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកមានប្រទីបចំនួនច្រើនចួលរួម

AirAsia Cambodia បន្តពង្រីកជើងហោះហើរអន្តរជាតិថ្មីចំនួនពីរទៅកាន់ប្រទេសវៀតណាម

បុណ្យអុំទូក រំលឹកដល់បុព្វបុរសខ្មែរដែលបង្ក្រាបទ័ពឈ្លានពាន! ចុះបណ្តែតប្រទីប សំពះព្រះខែ និងអកអំបុកវិញ សំដៅលើអ្វី?

ព្រះរាជពិធីបុណ្យអុំទូកឆ្នាំនេះ មានទូកងនិងទូកកមួងចូលរួមប្រកួត៣៤៨ទូក

គណៈកម្មាធិការជាតិរៀបចំបុណ្យជាតិ-អន្ដរជាតិ បានចេញសេចក្ដីណែនាំ ស្ដីពីការរៀបចំព្រះរាជពិធីបុណ្យអុំទូកឆ្នាំ២០២៤