ទៀតហើយ ក្លឹបស៊ីម៉ាក់ សម្រេចដកខ្លួនចេញពីលីគកំពូលកម្ពុជា
- 2016-01-20 20:50:19
- ចំនួនមតិ 0 | ចំនួនចែករំលែក 0
ទៀតហើយ ក្លឹបស៊ីម៉ាក់ សម្រេចដកខ្លួនចេញពីលីគកំពូលកម្ពុជា
ចន្លោះមិនឃើញ
ក្លឹបបាល់ទាត់មជ្ឈមណ្ឌលកម្ចាត់មីនកម្ពុជា(ស៊ីម៉ាក់) បានធ្វើសេចក្ដីសម្រេច ដកខ្លួនចេញពីការប្រកួតលីកកំពូលកម្ពុជារដូវកាល២០១៦ នេះហើយ ដោយសារតែជួបវិបត្តិហិរញ្ញវត្ថុ មិនអាចផ្គត់ផ្គង់ការចំណាយរបស់ក្លឹបបាន។
លោក កែវ សារិន អគ្គលេខាធិការក្លឹបស៊ីម៉ាក់ បានបញ្ជាក់ឱ្យ Sabay ដឹងថា ប្រធានក្លឹបបានព្យាយាមអស់ពីសមត្ថភាពហើយ ដើម្បីជួយក្លឹបឱ្យបានឈរជើងលេងនៅលីគកំពូលកម្ពុជាបានទៀតនៅរដូវកាលថ្មីខាងមុខនេះ ប៉ុន្តែដោយសារតែការចំណាយច្រើនលើសលប់ពេក ទើបមិនអាចទប់ទល់បាន ត្រូវរំសាយក្លឹបបណ្ណោះអាសន្នសិន។
“រដូវកាលថ្មី យើងត្រូវនាំកីឡាករថ្មីមកចូលក្រុម ដែលត្រូវចំណាយប្រាក់ច្រើនចំពោះប្រាក់ខែកីឡាករ ខណៈដែលពេលនេះក្លឹបមិនមានដៃគូសហការផងនោះ ទើបយើងគ្មានចំណូល មានតែចំណាយ។ ដូច្នេះហើយ យើងមិនអាចទប់ទល់បានទេ មានតែផ្អាករង់ចាំរកអ្នកជួយឧបត្ថម្ភសិនទើបបាន។ អ្នកឧបត្ថម្ភភាគច្រើនគេមើលឃើញតែក្លឹបធំៗនោះទេ មិនចាប់អារម្មណ៍ក្លឹបថ្មីៗឡើយ ដូច្នេះហើយទើបមានក្លឹបមួយចំនួនត្រូវរំសាយចោលសិន”។ សម្ដីលោក កែវ សារិន ។
គិតត្រឹមបច្ចុប្បន្ននេះ មានក្លឹបបាល់ទាត់៣ហើយ ដែលសម្រេចចិត្តដកខ្លួនមិនចូលប្រកួតពានរង្វាន់លីគកំពូលកម្ពុជាសម្រាប់រដូវកាល២០១៦ដែលចាប់ផ្ដើមនៅខែកុម្ភៈខាងមុខនេះ។ ក្លឹបទាំង៣នោះគឺ បៀលប្រាយយូណាយធីត , គីរីវង់សុខសែនជ័យ និងស៊ីម៉ាក់នេះឯង៕
អត្ថបទ៖ មុន្នី រម្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
