ទូរសព្ទជំនាន់ក្រោយរបស់ Samsung មានចំណុចពិសេសច្រើន

2016-01-21 17:43:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយយោងតាមវិបសាយ Techinsider ក្រុមហ៊ុន Samsung អាចនឹងដាក់បង្ហាញទូរសព្ទម៉ូដែលថ្មីនាចុងខែកុម្ភៈខាងមុខ ក្នុងព្រឹត្តិការណ៍ Mobile World Congress នៅទីក្រុង Barcelona ។ មានការសន្និដ្ឋានជាច្រើនជុំវិញវត្តមានថ្មីនៃម៉ូដែលទូរសព្ទរបស់ Samsung ហើយការសន្និដ្ឋានដែលអាចទុកចិត្តបាន មានដូចខាងក្រោម៖

១. ម៉ូដែលក្រោយនេះវាមានឈ្មោះ Galaxy S7 ដែលមានបីប្រភេទគឺ S7, S7 Edge និង S7 Edge+។

ជាអត្តសញ្ញាណរបស់ត្រកូល S វាតែងតែមានម៉ូដែលអេក្រង់កោង និងរូបរាងដ៏គួរឲ្យទាកទាញ។

២. បំពាក់រន្ធ USB-C ដែលជាប្រភេទ USB ជំនាន់ចុងក្រោយបំផុតរបស់ពិភពលោក។ USB-C អាចបញ្ជូនទិន្នន័យលឿនជាង USB ៣.០ រហូតដល់រាប់សិបដងផងដែរ។

៣. មានមុខងារស្កេនប្រស្រីភ្នែក ដើម្បីសុវត្ថិភាព មុនប្រើទូរសព្ទ។ នេះអាចជាលើទីមួយហើយដែល Samsung មានបំពាក់នូវមុខងារដ៏ពិសេសនេះក្រោយពួកគេប្រើនូវមុខងារស្កេនក្រយៅដៃជាយូរមកហើយ។

៤. អាចនឹងមានថាមពលថ្មខ្លាំងជាងត្រកូល S ជំនាន់មុនៗ។ S7 អាចនឹងមានថាមពលថ្មរហូតដល់ ៣០០០mAh ខណៈដែល S6 មានត្រឹម ២៥៥០mAh តែប៉ុណ្ណោះ។

៥. ទោះបី កន្លងមក មានការលើកឡើងថា S7 អាចនឹងមានកាមេរ៉ាត្រឹម១២megapixel តែខាងប្រភពអាចទុកចិត្តបានអះអាងថាវាអាចថតរូបបានស្អាតជាង S6 ដែលមានកាមេរ៉ាទំហំ ១៦megapixel។