៥កន្លែងដ៏ទាក់ទាញនៅម៉ាឡេស៊ី និងសិង្ហបុរី ខ្មែរនិយមទៅកម្សាន្តជាងគេ

2014-10-22 19:06:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្ញៀវទេសចរខ្មែរដែលនិយមធ្វើដំណើរកម្សាន្តនៅប្រទេសពីរក្នុងរដូវបុណ្យទានធំៗ ជាពិសេសបុណ្យឆ្លងឆ្នាំខាងមុខ នោះគឺម៉ាឡេស៊ី និងសិង្ហបុរី។ តើក្នុងប្រទេសទាំងពីរនេះ ភ្ញៀវទេសចរណ៍ខ្មែរ និយមទៅមើលអ្វីខ្លះ?

ថ្ងៃនេះ អ្នកនាង ម៉េង សុផាវត្តី អ្នកគ្រប់គ្រងទូទៅក្រុមហ៊ុនទេសចរណ៍ Southeast Asia Tour ដែលនាំភ្ញៀវទៅកម្សាន្តនៅបរទេសទាំងពីរនេះញឹកញយ ឲ្យដឹងថា មានកន្លែងសំខាន់ៗ៥ ដែលភ្ញៀវទេសចរណ៍ខ្មែរនិយមទៅកម្សាន្ត។

កន្លែងកម្សាន្តទី១នោះ គឺនៅមជ្ឈមណ្ឌលកម្សាន្ត Sentosa របស់ប្រទេសសិង្ហបុរី។ នៅទីនោះ គេអាចដើរទស្សនាត្រីតាមកញ្ចក់ផ្លូវក្រោមដី, និងទស្សនាការសម្ដែងផ្សោត និងអ្វីៗផ្សេងទៀត។ នៅកន្លែងកម្សាន្តនេះដែរ គេមានជិះSkylineមើលទេសភាពផងដែរ។ កន្លែងកម្សាន្តទី២ គឺទៅកម្សាន្តនៅសួនMerlion Park ដែលមានរូបសំណាក Merlion (ក្បាលតោខ្លួនត្រី) ដែលនរណាក៏ចង់ទៅទស្សនាដែរ។

ក្រោយពីទស្សនានៅទីនោះហើយ អ្នកនាងសុផាវត្តីថា ភ្ញៀវទេសចរណ៍ចូលចិត្តទស្សនានៅមជ្ឈមណ្ឌលកម្សាន្ត Genting Highlands ក្នុងប្រទេសម៉ាឡេស៊ី។ នៅទីនេះ គេនិយមជិះSkyway ធ្វើដំណើរមើលទេសភាពផ្សេងៗ។ មានកន្លែងលេងល្បែង កន្លែងក្មេងលេង កន្លែងញ៉ាំអាហារ ផ្សារទិញឥវ៉ាន់ ទស្សនាការសម្ដែង និងការកម្សាន្តជាច្រើនទៀត។

រួចពីនេះ គេនឹងឆ្ពោះទៅកម្សាន្តនៅកន្លែងដ៏ពេញនិយមទី៤ នោះគឺរូងភ្នំ Batu Caves ដែលមានរូបសំណាងអាទិទេពហិណ្ឌូដ៏ធំមួយ កម្ពស់ជិត៤៣ម៉ែត្រនៅខាងមុខនោះ។

មជ្ឈមណ្ឌលកម្សាន្ត Sentosa ប្រទេសសិង្ហបុរី

សួន Merlion Park ប្រទេសសិង្ហបុរី

មជ្ឈមណ្ឌលកម្សាន្ត Genting Highlands ប្រទេសម៉ាឡេស៊ី

រូងភ្នំ Batu Caves ប្រទេសម៉ាឡេស៊ី

អគារ Twin Tower ប្រទេសម៉ាឡេស៊ី

ចំណែកកន្លែងកម្សាន្តទី៥ចុងក្រោយ នៅទីក្នុងទីក្រុងកូឡាឡាំពួរតែម្ដង គឺការទស្សនាអាគារដ៏ល្បីៗរបស់ប្រទេសនេះ ជាពិសេស Twin Tower ដ៏ទាក់ទាញរបស់ប្រទេសម៉ាឡេស៊ីតែម្ដង។

ក្រៅពីគោលដៅកម្សាន្តសំខាន់ៗទាំង៥នេះ អ្នកនាងសុផាវត្តីថា អ្នកទស្សនាក៏មានឱកាសបានស្គាល់កន្លែងផ្សេងទៀតជាច្រើន និងភ្លក់រសជាតិអាហាររបស់ប្រទេសទាំងពីរនោះ ព្រមទាំងចូលផ្សារទំនើប ដើរទិញឥវ៉ាន់ផ្សេងៗ។ ក្នុងដំណើរកម្សាន្តទាំងពីរប្រទេសនេះ គេត្រូវចំណាយ៦ថ្ងៃ ៥យប់ ដោយទៅលេងប្រទេសណាមុនក៏បានដែរ៕

-ឆ្នេរសមុទ្រស្រស់ស្អាត និងចម្លែកបំផុត ទាំង ១០កន្លែងលើពិភពលោក

អត្ថបទ៖ មាស រ័ត្ន

ពាក្យទាក់ទង

តំបន់ទេសចរណ៍អន្តរជាតិ

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

បើឥន្ទ្រីពិឃាដឌូកត្រូវលក្ខខណ្ឌនេះលោក Li Jun នឹងពិចារណាឲ្យចូលក្រុមបាល់ទះលើក្ដារជម្រើសជាតិ

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

អត្ថបទថ្មី

Ford Ranger ទទួលចំណាត់ថ្នាក់ផ្កាយ ៥ ជារថយន្តមានសុវត្ថិភាពបំផុត!

និស្សិត យឹម ច័ន្ទយ៉ានីត ចេង សុធីតា បានស្រាយចម្ងល់ខ្លួនជាច្រើនបន្ទាប់ពីសិក្ខាសាលារបស់ CamEd ដែលមានមន្ត្រីជំនាញពន្ធដារ

ការពិតទាំង 10 យ៉ាងពីភីកអាប់អគ្គិសនី Tesla Cybertruck

កីឡាករក្រសួងមហាផ្ទៃ៣រូបចូលជំរុំហ្វឹកហាត់ជម្រើសជាតិ U20 និងជម្រើសជាតិឈុតធំ

ពិតជាខែដ៏អស្ចារ្យសម្រាប់ក្រុមហ៊ុន MG Cambodia ជាមួយការលក់ចេញជិត 150គ្រឿង ក្នុង ខែមេសា