នាវាមុជទឹករបស់ចក្រភពអង់គ្លេស នៅបន្តប្រើ Window XP

2016-01-22 22:59:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធប្រតិបត្តិការ Window XP ត្រូវបាន Microsoft ប្រកាសឈប់ធ្វើការថែទាំកាលពីឆ្នាំ២០១៤ ប៉ុន្តែនៅតែមានអ្នកប្រើប្រាស់ជាច្រើននៅបន្តប្រើ ក្នុងនោះសូម្បីតែនាវាមុជទឹកទាំង៤ ដែលដើរដោយថាមពលនុយក្លេអ៊ែររបស់ចក្រភពអង់គ្លេស ក៏បន្តប្រើប្រព័ន្ធប្រតិបត្តិការមួយនេះដែរ។

នាវាមុជទឹកទាំងនោះត្រូវបានគេដឹងថាជាប្រភេទនាវាមុជទឹកទំនើប និងមានសមត្ថភាពអាចបាញ់គ្រាប់មីស៊ីលដែលបំពាក់ក្បាលគ្រាប់នុយក្លេអ៊ែរប្រមាណ ៤០គ្រាប់ក្នុងនាវាមុជទឹកមួយគ្រឿង។ រួចកងទ័ពជើងទឹករបស់អង់គ្លេសបានបន្តឲ្យដឹងថា ពួកគេអាចនឹងប្រើប្រាស់នូវប្រព័ន្ធប្រតិបត្តិការ Window 10 សម្រាប់នាវាមុជទឹកជំនាន់ក្រោយចាប់ពីឆ្នាំ ២០២៨ តទៅ។

គួរដឹងផងដែរថា មិនមែនមានតែចក្រភពអង់គ្លេសទេ សូម្បីតែទាហានជើងទឹករបស់សហរដ្ឋអាមេរិកក៏នៅបន្តប្រើប្រាស់ Window XP ដែរ តែពួកគេបានបង់ប្រាក់ប្រមាណ ៩លានដុល្លារឲ្យMicrosoftដើម្បីបន្តផ្ដល់ការថែទាំនានាទៅលើ Window XP ដែលពួកគេកំពុងប្រើរហូតដល់ខែកក្កដា ឆ្នាំ២០១៦ នឹងអាចបន្តដល់ឆ្នាំក្រោយទៀតក្រោមកញ្ចប់ថវិកា ៣១លានដុល្លារ៕

ចុចអាន៖ កូរ៉េខាងជើងធ្វើតេស្តកាំជ្រួចបាច់ចេញពីនាវាមុជទឹកដោយជោគជ័យ

ប្រែសម្រួល៖ រដ្ឋ ប្រភព៖ popularmachanics