តួភេទទី ៣ កាន់តែមានទីផ្សារសិល្បៈ?

2014-10-25 16:36:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមភេទទី ៣ កំពុងក្លាយជាទីចាប់អារម្មណ៍ក្នុងពិភពសិល្បៈ។ ក្នុងឈុតឆាកកំប្លែង ភាពយន្ត ចម្រៀងខារ៉ាអូខេ និង កម្មវិធីកម្សាន្តមួយចំនួន នៃស្ថានីយទូរទស្សន៍ក្នុងស្រុក មានការបង្ហាញទាំងក្រុមមនុស្សស្រលាញ់ភេទដូចគ្នា ឬ ជួនការយកបុរសពិត និង ស្រ្តីពិតឲ្យសម្ដែងជាភេទទី ៣ ដើម្បីទាក់ទាញការចាប់អារម្មណ៍ពីទស្សនិកជនជន។

តើឥទ្ធិពលក្រុមភេទទី ៣ ពិតជានាំឲ្យមានការចាប់អារម្មណ៍ពីទស្សនិកជនមែនទេ?

លោក រ៉ូលីន ឬ Miss Photo City ធ្លាប់ទទួលស្គាល់ថា លោកមានកេរ្តិ៍ឈ្មោះដូចសព្វថ្ងៃក៏ដោយសារការសម្ដែងជាភេទទី ៣នេះដែរ ។ រ៉ូលីន ដែលសម្ដែងម្ញ៉ិកម្ញ៉ក់ ជារបៀបមនុស្សភេទទី៣ ក្នុងកម្មវិធី " ពេញចិត្តអត់ " របស់My TV កំពុងតែទទួលការពេញនិយមព្រោះតែធ្វើឲ្យមហាជនខ្ទប់សំណើចមិនបាន។

"ខ្ញុំគិតថា គ្រប់យ៉ាងគ្រាន់តែជាការសម្ដែងកម្សាន្តប៉ុណ្ណោះ។ ប៉ុន្តែខ្ញុំក៏ទទួលស្គាល់ដែរថា ប្រាកដជាមានការរិះគន់ តែវាមានចំនួនតិចតួច ជាងអ្នកគាំទ្រ"។ រ៉ូលីន បញ្ជាក់យ៉ាងដូច្នេះ។

ប៉ុន្ដែ ពិធីករសម្បូរវោហារលោក ដួង សុខគា បានឲ្យដឹងដែរថា ក្នុងនាមអ្នកលេងសម្ដីមួយរូបលោកព្យាយាមសម្ដែង ដោយធ្វើយ៉ាងណាមិនឲ្យប៉ះពាល់ដល់អ្នកភេទទី៣នោះឡើយកន្លងមក។ ម្ចាស់ពានកម្មវិធីកំប្លែងរូបនេះបានបង្ហាញជំហរផ្ទាល់ខ្លួនថា លោកក៏គ្មានចេតនារើសអើងភេទនៅក្នុងសង្គមនោះដែរ។

ទាក់ទិនទៅនឹងបញ្ហានេះដែរ ផលិតករកម្មវិធីល្បីឈ្មោះប្រចាំ CTN លោក សុវណ្ណរិទ្ធី ហៅតាវ៉ិចទ័របាននិយាយថា លោកក៏ធ្លាប់បង្កើតឲ្យមានឈុតឆាកភេទទី៣ គឺដោយសារតែលោកចង់បង្ហាញថា អ្នកមានអត្តចរិតបែបនេះ ពូកគេក៏មានសមត្ថភាពដូចមនុស្សទូទៅដែរ។

លោកនិយាយថា៖ " យើងមិនចង់ឲ្យមានការរើសអើងនៅក្នុងសង្គមនោះទេ ហើយបើពូកគេមានសមត្ថភាពសិល្បៈយើងលើកទឹកចិត្ត"។ ម្យ៉ាងទៀតលោកថា នេះក៏ជាទស្សនីយភាពប្លែកមួយដែរ សម្រាប់អ្នកទស្សនាទាំងឡាយ ក្នុងនាមជាអ្នកផលិតត្រូវតែមានគំនិតច្នៃប្រឌិត។

ប្រធានមជ្ឈមណ្ឌលវប្បធម៌ជាតិ និងសីលធម៌សង្គម លោក ប៉ូ សំណាង មានប្រសាសន៍ថា ការចូលរួមរបស់ភេទទី ៣ ស្ដែងឲ្យឃើញពីលទ្ធិប្រជាធិបតេយ្យមានការរីកចំរើននៅកម្ពុជា និង មិនមានការរើសអើងភេទ ប៉ុន្តែក៏មានចំណុចមួយចំនួនត្រូវតែមានការព្រួយបារម្ភដែរ។ លោកឲ្យដឹងថា ការប្រើប្រាស់ពាក្យសំដីដៀលគ្នាទៅវិញទៅមក បានស្ដែងឲ្យឃើញពីការធ្លាក់ចុះនៃសីលធម៌សង្គម ទាំងនេះជាក្ដីកង្វល់ទាមទារឲ្យអ្នកដឹកនាំការផលិតគិតគូរជាថ្មីពីបញ្ហានេះ។

តើប្រិយមិត្តមានយោបល់យ៉ាងម៉េចដែរ ជុំវិញបញ្ហានេះ?

អត្ថបទ៖ សំ ជំនាញ

ពាក្យទាក់ទង

បញ្ហាតារាជាតិ

អត្ថបទពេញនិយម

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

២០ ឆ្នាំមុន ស្រ្តីបរទេសម្នាក់ ចំណាយប្រាក់១៥០០០ ដុល្លារ ទិញកោះមួយ សព្វថ្ងៃក្លាយជា កោះសង្សារ លំដាប់អភិជន

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

អត្ថបទថ្មី

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas