មាន​វចនានុក្រម​កុំព្យូទ័រជា​ភាសាខ្មែរ​មិន​ច្រើន​ទេ ដែល​មាន​វត្តមាន​នៅ​លើ Play Store។ ការ​នេះ​ហើយ​​ធ្វើ​ឲ្យ​អ្នក​សិក្សា​​ពិបាក​ក្នុង​ការ​ស្វែង​យល់​ពាក្យ​បច្ចេកទេស​នីមួយ​ៗ​របស់​កុំព្យូទ័រ ប៉ុន្តែ​ពេល​នេះ​ប្រិយមិត្ត​អាច​ទាញ​យក​ដោយ​សេរី​វចនានុក្រម​កុំព្យូទ័រ​ដែល​មាន​ការ​បកប្រែ​យ៉ាងច្បាស់លាស់ និង​បាន​​ភ្ជាប់​ជាមួយ​ពាក្យ​បកប្រែ​បន្ថែម​លើ Online ទៀត​ផង។

កម្មវិធី​វចនានុក្រម​វិទ្យាសាស្ត្រ​កុំព្យូទ័រ​នេះ ត្រូវ​បាន​បង្កើត​ដោយ​លោក ស៊ុន វាសនា ដែល​អាច​ជួយ​សម្រួល​ដល់​និស្សិត​សិក្សា​ផ្នែក​ព័ត៌មាន​វិទ្យា ក៏​ដូច​ជា​សម្រាប់​ចែក​រំលែក​ចំណេះដឹង​ដល់​អ្នក​ប្រើប្រាស់​កុំព្យូទ័រ​ទូទៅ។

លក្ខណះ​ពិសេស​របស់​កម្មវិធី​វចនានុក្រម​វិទ្យាសាស្ត្រ​កុំព្យូទ័រ (Computer Science Dictionary) គឺ៖

• ជួយ​សម្រួល​ដល់​ការ​សិក្សា​របស់​អ្នក​រៀន IT
• មាន​ពាក្យ​គន្លឹះ​ច្រើន​ទាក់ទង​និង​កុំព្យូទ័រ
• មាន​ការ​បកស្រាយ​ជា​ភាសាខ្មែរ​និង អង់គ្លេស
• រាល់​ការ​បកស្រាយ​របស់​ពាក្យ មាន​រូបភាព​ខ្លះ​ៗ​ទៅ​លើ​ពាក្យ​ពិសេស​ៗ
• មាន​មុខ​ងាយ​ស្វែង​រក​ពាក្យ​បន្ថែម​តាម Online
• មាន​ភាព​ងាយ​ស្រួល​ប្រើប្រាស់
• មាន​ដំណើរការ​លឿន​មិន​ស្មុគស្មាញ

បញ្ជាក់៖ មិន​ទាន់​មាន​វត្ត​មាន​លើ iOS ទេ​ប៉ុន្តែ​សម្រាប់ Android   អាច​ទាញ​យក​ទីនេះ​បាន

អត្ថបទ៖ រក្សា