ម្ចាស់ក្លឹប Liverpool មិនដំឡើងថ្លៃសំបុត្រ និងសុំទោសអ្នកគាំទ្រ
- 2016-02-11 16:01:42
- ចំនួនមតិ 0 | ចំនួនចែករំលែក 0
ម្ចាស់ក្លឹប Liverpool មិនដំឡើងថ្លៃសំបុត្រ និងសុំទោសអ្នកគាំទ្រ
ចន្លោះមិនឃើញ
ម្ចាស់ក្លឹបហង្សក្រហម Liverpool បានសម្រេចបោះបង់ផែនការដំឡើងថ្លៃសំបុត្រចំនួន ៧៧ផោន ឬ ១១១ដុល្លារក្នុងមួយប្រកួតនៅកីឡដ្ឋាន Anfield។
ការសម្រេចដូច្នេះបន្ទាប់ពីរឿងរ៉ាវដ៏ចម្រូងចម្រាស់បានកើតឡើងកាលពីចុងសប្ដាហ៍មុន ដោយមានគាំទ្រជាច្រើនពាន់នាក់បានដើរចេញពីកីឡដ្ឋានពេលកំពុងប្រកួតនៅនាទី៧៧ ដើម្បីជាសារប្រឆាំង នឹងការដំឡើងថ្លៃរហូតដល់ ៧៧ផោន នៅថ្ងៃអនាគតពេលដែលកន្លែងអង្គុយទស្សនាថ្មីត្រូវធ្វើរួចរាល់។
ម្ចាស់ក្លឹបដែលមកពី Fenway Sports Group បានសុំទោស និងនិយាយថាពួកគេបានទទួលសារបង្ហាញពីការមិនសប្បាយពីសំណាក់អ្នកគាំទ្រ ហើយដើម្បីជាការឆ្លើយតបពេលនេះ តម្លៃសំបុត្រក្នុងទឹកដីនឹងនៅត្រឹម ៥៩ផោន (៨៥ដុល្លារ) ដដែល៕
ចុចអាន៖ ញញួរធំ ធ្វើឲ្យហង្សក្រហមក្អួតឈាមនាទីចុងក្រោយ ធ្លាក់ចេញពី FA Cup
ប្រែសម្រួល៖ វីរ៉ុត ប្រភព៖ BBC