រកឃើញបវរកញ្ញាកែភេទថៃកំពុងល្បី មុខដូចនាយចយដល់ក

2016-02-17 17:13:46
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីថៃមានសម្បុរខ្មៅស្រអែមនិងរូបរាងស្គមស្ដើងម្នាក់កំពុងត្រូវបានគេស្វែងរកយ៉ាងខ្លាំងនៅលើបណ្ដាញសង្គម។

ប៉ុន្មានថ្ងៃចុងក្រោយនេះ រូបភាពរបស់នារីថៃម្នាក់ដែលមានរូបសម្បត្តិប្លែកពីនារីធម្មតា កំពុងតែត្រូវបានអ្នកប្រើប្រាស់បណ្ដាញសង្គម Facebook របស់ថៃក៏ដូចជាប្រទេសជិតខាងចែករំលែកយ៉ាងច្រើននៅគណនីរបស់ពួកគេ។ អ្វីដែលធ្វើឲ្យអ្នកប្រើ Facebook នៅខ្មែរចាប់អារម្មណ៍ទៅលើនារីមួយនេះនោះគឺ នាងមានទម្រង់មុខដូចតារាកំប្លែងខ្មែរនាយចយបេះដាក់។

ត្រូវបានគេប្រៀបធៀបដូច Happy Polla នារីខាងលើបានក្លាយជាទីចាប់អារម្មណ៍របស់ប្រជាជនថៃដោយស្ទីលសំលៀកបំពាក់ក៏ដូចជាការផាត់មុខបែបប្លែកៗរបស់ខ្លួន។ គេសង្កេតឃើញថា បើទោះបីជានៅក្នុងជីវភាពប្រចាំថ្ងៃដូចជា ទៅទិញទំនិញឬដើរលេង ក៏នារីរូបនេះស្លៀករ៉ូបអូសដីនិងពាក់មកុដដូចទៅប្រកួតបវរកញ្ញាដែរ។

តាមគណនីផ្ទាល់ខ្លួនរបស់នារីមួយនេះ គេបានដឹងថានាងគឺជាមនុស្សប្រុសកែភេទមកជាស្រីហើយហាក់មានទំនុកចិត្តនឹងរូបសម្បត្តិរបស់ខ្លួនខ្លាំងណាស់ ព្រមទាំងបានចូលរួមប្រលងការប្រកួតបវរកញ្ញាសម្រាប់អ្នកកែភេទទៀតផង។ ដោយសារតែមានចំនួនអ្នកតាមដានជាង ៦ម៉ឺននាក់នៅលើ Facebook ផ្ទាល់ខ្លួន ដូចនេះហើយរាល់រូបភាពក៏ដូចជាវីដេអូឃ្លីបដែលនាងបង្ហោះសុទ្ធតែទទួលបាន like, commnet ក៏ដូចជាការចែករំលែកយ៉ាងច្រើនដែលធ្វើឲ្យនាងមិនត្រឹមតែល្បីនៅក្នុងប្រទេសថៃនោះទេគឺព្រមទាំងរាលដាលដល់ប្រទេសជិតខាងទៀតផង។ បច្ចុប្បន្ន នារីកែភេទម្នាក់នេះកំពុងតែរស់នៅខេត្ត Nakhon Si Thammarat ភាគខាងត្បូងប្រទេសថៃ៕