គូស្នេហ៍រឿង "Hormones” March និង PunPun ចែកផ្លូវគ្នាហើយ

2016-02-18 17:40:51
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងថៃ Chutavuth Pattarakampol (March) និង Sutatta Udomsilp (PunPun) ដែលចាប់ផ្ដើមស្រលាញ់គ្នាក្រោយពេលសហការក្នុងរឿង "Hormones” នោះបានបែកគ្នាហើយ ដោយមូលហេតុត្រូវបានភាគីទាំងពីរបញ្ជាក់ថា ដោយសារការគិតរបស់ពួកគេមិនដូចគ្នា។

ស្នេហាមួយទៀតរបស់តារាសម្ដែងថៃត្រូវបែកបាក់ នៅពេល Chutavuth ដើរតួ Phu និង Sutatta ដើរតួ Teoi ក្នុងរឿង "Hormones: The Series” បញ្ចប់ចំណងស្នេហ៍របស់ពួកគេកាលពីថ្មីៗនេះ។ តារាប្រុសកើតឆ្នាំ ១៩៩៣ បានប្រកាសថា រូបគេនិងអតីតមិត្តស្រីមិនមែនជាសង្សារនឹងគ្នាទៀតទេ ហើយតារាអាយុ ២២ ឆ្នាំនេះឥលូវចាត់ទុក Sutatta ត្រឹមតែជាប្អូនស្រីតែប៉ុណ្ណោះ។

អ្នកគាំទ្ររបស់តារាវ័យក្មេងទាំងពីរបានសង្ស័យពីចំណងស្នេហ៍មួយនេះរយៈពេល១ខែហើយ ដោយអាកប្បកិរិយារបស់ពួកគេមិនដូចពីមុន។ ជាមួយគ្នានេះដែរ អតីតគូស្នេហ៍បានប្រាប់ថាពួកគេបែកគ្នាមិនមែនដោយសារតែមានអ្នកទី៣មកជ្រែកជ្រៀតអ្វីនោះទេ ហើយនៅតែរក្សាទំនាក់ទំនងល្អដូចមុនដដែល។ នៅពេលព័ត៌មានតារា២ដួងនេះចែកផ្លូវគ្នាបែកធ្លាយចេញក្រៅ ក្រុមអ្នកគាំទ្ររបស់អ្នកទាំង២បានផ្ទុះកំហឹងយ៉ាងខ្លាំង ដោយទាមទារឲ្យអ្នកទាំង២ត្រលប់មករកគ្នាវិញ៕