តារាជាច្រើនចូលរួមពិធីប្រគល់ថវិកាជូន គន្ធបុប្ផា

2016-02-26 00:21:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាជាច្រើននាំគ្នាចូលរួមពិធីប្រគល់ថវិកា ១០ ០០០ ដុល្លារអាមេរិកបានពីមូលនិធិរបស់អតីតតារាសម្ដែង ស៊ុក សុភា និងភរិយាជូនដល់មន្ទីរពេទ្យគន្ធបុប្ផា នារសៀលនេះ។

តំណាងមូលនិធិ SS Fundraiser លោក ផាត់ តារារ័ត្ន បាននិយាយថា ថវិកាទាំងអស់នេះ មួយភាគធំបានពីការប្រគំតន្ត្រី និងមួយចំណែកទៀតជាការបរិច្ចាគរបស់ពលរដ្ឋខ្មែររស់នៅប្រទេសអូស្ត្រាលី តាមរយៈការអំពាវនាវបន្ថែមរបស់ប្ដីប្រពន្ធ ស៊ុក សុភា ក្នុងនាមជាម្ចាស់មូលនិធិ ដើម្បីបង្គ្រប់ចំនួនកំណត់។ ដូច្នេះនាំឱ្យពិធីប្រគល់មានភាពយឺតយ៉ាវ ទោះបីជាការប្រគំតន្ត្រីត្រូវបានបញ្ចប់តាំងពីចុងឆ្នាំ ២០១៥ យ៉ាងណាក្ដី។

ទោះបីជាយ៉ាងណា លោកបន្តថា ក្រៅពីជំនួយមកពីមូលនិធិ ស៊ុក សុភា និងភរិយា ហើយនោះក៏មានការឧបត្ថមថវិកាចំនួន ១ ០០០ ដុល្លារផ្សេងទៀតពីលោក សន វិជ្ជបុត្រ តារាចម្រៀងប្រចាំផលិតកម្ម M ផងដែរ។ ហើយតារាចម្រៀងរូបនេះ កំពុងមានគម្រោងចេញទៅអូស្រ្តាលីនៅខែមីនាខាងមុខនេះ ដើម្បីស្វែងរកថវិកាជួយមន្ទីរពេទ្យគន្ធបុប្ផាបន្តទៀត៕