១គ្រាប់របស់ Griezmann ធ្វើឲ្យ Real បាក់មុខចាញ់ Atletico នៅក្នុងទឹកដីខ្លួនឯង

2016-02-28 16:46:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតក្រុមរួមទីក្រុង ឬ Madrid derby ដំបូងរបស់គ្រូបង្វឹក Zinedine Zidane របស់ក្រុម Real Madrid បានត្រឹមពាក្យបរាជ័យនៅផ្ទះខ្លួនឯងក្រោមស្នាដៃរបស់ក្រុមលោក Diego Simeone គឺ Atletico Madrid ដោយលទ្ធផល ១-០ ក្នុងពាន La Liga។

នៅ៤៥នាទីដំបូងក្រុមទាំងពីរសុទ្ធមានឱកាសដូចគ្នា ដោយខាងស្ដេចសវិះនឹងរកគ្រាប់បាល់បានដោយការ Free-Kick របស់កីឡាករ Toni Kroos និង Ronaldo តែខុសទីបន្តិច និងត្រូវអ្នកចាំទីជួយបាន។ នៅចុងម៉ោងតង់ទី១ Antoine Griezmann មានឱកាសរកគ្រាប់បាល់ឲ្យ Atletico បានទៅហើយ បន្ទាប់ពីលេងសហការយ៉ាងល្អ តែត្រូវអ្នកចាំទី Navas សង្គ្រោះបាន។

ឈានដល់តង់ទី២ នាទី៥៣កីឡាករបារាំង Antoine Griezmann អាចរកគ្រាប់បាល់ឲ្យ Atletico ទាល់តែបាន ក្រោយការបញ្ជូនពីខ្សែការពារ Filipe Luis ។ ១គ្រាប់នេះបានរក្សារហូតដល់ចប់៩០នាទី។ ការចាញ់របស់ Real Madrid គឺកាន់តែដាច់ពិន្ទុពីក្រុមលេខ១ Barcelona កាន់តែឆ្ងាយ ពោល១២ពិន្ទុប្រសិនបើ Barcelona ឈ្នះ Sevilla យប់នេះ។