អ្នកបាងកកភ្ញាក់ផ្អើលពេលឃើញគេដឹកដាយណូស័រ ទៅដាក់ក្នុងសួនកម្សាន្ត
- 2016-03-03 16:20:38
- ចំនួនមតិ 0 | ចំនួនចែករំលែក 0
អ្នកបាងកកភ្ញាក់ផ្អើលពេលឃើញគេដឹកដាយណូស័រ ទៅដាក់ក្នុងសួនកម្សាន្ត
ចន្លោះមិនឃើញ
អ្នកក្រុងបាងកក ជាច្រើនភ្ញាក់ផ្អើលបន្ទាប់ពីបានឃើញ រូបដាយណូស័រមួយ ប្រភេទ Tyrannosaurus (T-Rex) ត្រូវគេដាក់ឡានដឹកជុំវិញទីក្រុង កាលពីពេលថ្មីៗនេះ។
តាមសារព័ត៌មាន BBC Thai រូបដាយណូស័រ ខាងលើ មានកម្ពស់៤ម៉ែត្រ ប្រវែង១៣ម៉ែត្រ និងមានទម្ងន់ប្រវែង ១តោន។ វាត្រូវបានដឹកទៅ សួន Dinosaur Planet នៅផ្លូវ Sukhumvit ក្បែរស្ថានីយរថភ្លើងអាកាស Phrom Phong BTS ដែលនឹងដាក់បង្ហាញ រូបដាយណូស័រ ចំនួន២០០ក្បាលទៀត រួមបញ្ចូលទាំង រូបដាយណូស័រប្រភេទ Velociraptor Apatosaurus Ankylosaurus Anchiceratops ។
ប្រជាជនថៃជាច្រើនបាននាំគ្នា ថតរូបសត្វដាយណូស័រ ខាងលើ និងនាំក្មេងៗឲ្យទៅមើលកម្សាន្តផងដែរ។ ដោយឡែក អ្វីដែលគួរឲ្យកត់សម្គាល់ចំពោះសាធារណជនថៃ គឺរូបដាយណូស័រទាំងនោះ អាចបញ្ជាឲ្យដើរបាន ដូច្នេះអ្នកទៅលេងកម្សាន្តនៅសួន អាចជិះវាលេងបានដោយគិតកម្រៃ។ នេះបើតាមសារព័ត៌មានMatichon។
BBC Thai បានឲ្យដឹងថា សួន Dinosaur Planet នឹងបើកជូនសាធារណទៅកម្សាន្ត នៅថ្ងៃទី ១៨ ខែមិនា ២០១៦ ខាងមុខនេះ៕
ចុចអាន៖ ចម្លាក់ដាយណូស័រ លើជញ្ជាំងប្រាសាទតាព្រហ្ម នៅតែជាអាថ៌កំបាំង
ប្រែសម្រួល៖ មាន រតនា ប្រភព៖ BBC Thai, matichon
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
