ហេតុផលគ្រោះថ្នាក់ដែលអ្នកមិនគួរប្រើសំឡីត្បារដល់ក្នុងត្រចៀក

2016-03-04 19:00:17
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក William H. Shapiro អ្នកជំនាញផ្នែកត្រចៀក និងជាសាស្ត្រាចារ្យសកលវិទ្យាល័យ ឱសថសាស្ត្រក្រុងញ៉ូវយក បានឲ្យដឹងថា ការប្រើសំឡីត្បារត្រចៀករុកចូលដល់រន្ធត្រចៀកគឺជាកំហុសមួយ ដែលអាចធ្វើឲ្យសុខភាពត្រចៀករបស់អ្នកមានបញ្ហា។ ដូច្នេះលោក William ក៏បានបង្ហាញការណែនាំដូចខាងក្រោម៖

- ការរុកសំឡីត្បារចូលដល់រន្ធត្រចៀក គឺដូចជារុញសមាសធាតុលឿងដូចក្រមួន(អាចម៍ត្រចៀក)មួយចំនួនចូលទៅប៉ះស្បែកត្រចៀកបណ្ដាលឲ្យឈឺត្រចៀក។ សំឡីទាំងនោះគឺប្រើបានសម្រាប់តែការសម្អាតបរិវេណត្រចៀកខាងក្រៅប៉ុណ្ណោះ។

សមាសធាតុលឿងដូចក្រមួន(អាចម៍ត្រចៀក) គឺជាសារជាតិអាស៊ីតមួយ ដូចនេះវាជួយបង្ការត្រចៀកពីសត្វល្អិតផ្សេងៗចូល និងបង្ការកុំឲ្យជំងឺផ្សិតកើតក្នុងត្រចៀក។

អាចម៍ត្រចៀកជួយទប់កម្ទេចកំទីសក់ ធូលី និងស្បែកងាប់ក្នុងត្រចៀករបស់អ្នក។ វានឹងធ្លាក់មកក្រៅដោយឯកឯងតាមរយៈសកម្មភាពទំពានិង ការស្ងាប។

សរុបសេចក្ដីជាចុងក្រោយលោកសាស្ត្រាចារ្យ William H. Shapiro បានឲ្យដឹងថា ការមានអាចម៍ត្រចៀក គឺមិនមានផលប៉ះពាល់អ្វីនោះទេ តែបើមានបញ្ហាត្រូវសម្អាត គួរស្វែងរកអ្នកជំនាញ ចៀសវាងការសម្អាតដោយខ្លួនឯង។

យោងតាមគេហទំព័រសុខភាពអាមេរិក entnet.org អ្នកគួរសម្អាតអាចម៍ត្រចៀកចេញលុះត្រាតែពេលមានអាការៈមួយចំនួនដូចជាឈឺក្បាល ណែនត្រចៀក ហ៊ឹងត្រចៀក និងស្ដាប់មិនសូវច្បាស់ ដែលបណ្ដាលមកពីការកកណែនរបស់អាចម៍ត្រចៀក ៕