ចំណុចមួយចំនួនសម្រាប់អ្នកចង់ទិញម៉ូតូធំ គួរតែដឹង

2016-03-10 21:44:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ការនិយមប្រើប្រាស់ប្រភេទម៉ូតូធំរបស់យុវវ័យសម័យថ្មីមានការកើនឡើងជាខ្លាំង។ ប៉ុន្តែក្នុងនោះមានអ្នកប្រើប្រាស់មួយចំនួន លើកឡើងថាពួកគេតែងតែជួបនូវបញ្ហានៃការបញ្ជា និងសុវត្ថិភាពនានាជាមួយម៉ូតូរបស់ពួកគេ។ ដូចនេះហើយ Sabay សូមបង្ហាញនូវចំណុចមួយចំនួនដែលអ្នកចង់ទិញម៉ូតូធំគួរតែដឹង៖

១. ត្រូវដឹងថាម៉ូតូធំប្រភេទណាដែលអ្នកត្រូវការ។ ព្រោះម៉ូតូធំមានបែងចែងជាច្រើនប្រភេទដូចជា Cruisers, Sportbikes, Touring និង Dual Sport។

២. គួរជ្រើសរើសម៉ូតូដែលមានម៉ាស៊ីនធំល្មម ដែលសមាមាត្រគ្នាជាមួយមាឌរបស់អ្នក។ ព្រោះថាបើម៉ាស៊ីនម៉ូតូធំពេកវានឹងធ្វើឲ្យអ្នកពិបាកក្នុងបញ្ជាពេលបើកបរ។ គួរប្រើម៉ូតូម៉ាស៊ីនចន្លោះពី ២៥០ ទៅ៣០០cc សម្រាប់អ្នកមានមាឌតូចមធ្យម និងអាចលើសពីនេះសម្រាប់អ្នកមានមាឌធំ។

៣. ជ្រើសម៉ូតូធំដែលមានប្រព័ន្ធសុវត្ថិភាពសំបូរបែប តាមដែលអាចធ្វើទៅបាន ជាពិសេសប្រព័ន្ធហ្រ្វាំង ABS។ លើសពីនេះ អ្នកគួរប្រើប្រភេទម៉ូតូធំដែលមានមុខងារទប់លំនឹងសម្រាប់ពេលបើកបរក្នុងស្ថានភាពផ្លូវរអិលផងដែរ។

៤. គួរដឹងថាម៉ូតូធំដែលអ្នកចង់ទិញនោះសម្បូរគ្រឿងបន្លាស់ដែរឬទេ ព្រោះមិនថាម៉ូតូនោះមានតម្លៃប៉ុណ្ណាទេវាគឺត្រូវតែមានការជួសជុលប្ដូរគ្រឿងជាមិនខានក្រោយអ្នកប្រើមួយរយៈ៕

អានបន្ត៖ យុវជនខ្លះ មានចំណូលចិត្ត លេងម៉ូតូធំ ប្រែសម្រួល ៖ រដ្ឋ ប្រភព ៖ consumerreports