លេងហ្វេសប៊ុកសុខៗលោតផ្ទាំង Session Expired អាចសាកដោះស្រាយតាមវិធីនេះ

2016-03-15 22:22:54
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលប៉ុន្មានថ្ងៃចុងក្រោយនេះសង្កេតឃើញថាអ្នកប្រើប្រាស់បណ្ដាញ Facebook មួយចំនួនបានជួបប្រទះបញ្ហាដ៏ក្រពុលមុខមួយគឺតែងតែលោតផ្ទាំង “Session Expired” ដែលទាមទារឲ្យធ្វើការ Login ចូលសារជាថ្មី។ ដូចនេះ Sabay សូមលើកយកវិធីមួយចំនួនមកបង្ហាញដោយសង្ឃឹមថានឹងអាចដោះស្រាយបញ្ហានេះបាន។

*សម្រាប់ប្រព័ន្ធ iOS

ដំណោះស្រាយទី១៖

@Login ចូលគណនីអ្នកតាមកុំព្យូទ័រ

@Deactivate គណនីដោយចូលទៅកាន់ Setting → Security → Deactivate Your Account រួចចុច Deactivate your account

@ជាបន្តលុបកម្មវិធីហ្វេសប៊ុកដែលដំឡើងលើទូរសព្ទ រួចដំឡើងសាជាថ្មី (សម្អាត Cookies, History ឬ Caches នៅក្នុងកម្មវិធី Safari ជាមុនសិនមុនដំឡើងកម្មវិធី)

@ត្រឡប់ទៅកាន់កុំព្យូទ័រដោយធ្វើការ Reactivate គណនីរបស់អ្នកឡើងវិញតាមការវាយបញ្ចូល Email និង Password

@ជាចុងក្រោយ Login ចូលគណនីហ្វេសប៊ុកនៅលើទូរសព្ទដូចធម្មតាបន្ទាប់ពីដំឡើងរួចនោះអ្វីៗអាចនឹងប្រក្រតីឡើងវិញមិនខាន

ដំណោះស្រាយទី២៖

@នៅលើផ្ទាំង “Facebook Login Screen” នៃកម្មវិធីហ្វេសប៊ុកលើទូរសព្ទ ចុចយកពាក្យថា "Sign Up for Facebook”

@នៅលើផ្ទាំង "Join Facebook” ចុចយកពាក្យថា "Get Started”

@នៅផ្ទាំងបន្ទាប់មួយទៀតចុចយកពាក្យថា "Use your email address” រួចបញ្ចូលអាសយដ្ឋានអ៊ីម៉ែលដែលអ្នកប្រើដើម្បី Login ចូលគណនីហ្វេសប៊ុករាល់ដង បន្ទាប់មកចុច “Continue”

@ជាបន្តបញ្ចូលឈ្មោះនៃគណនីរបស់អ្នក និងលេខសម្ងាត់ដូចគ្នាទៅនឹងអ្វីដែលប្រើរាល់ដង ហើយជាបន្តបញ្ចូលថ្ងៃខែឆ្នាំកំណើត

@ប្រសិនមិនមានបញ្ហាអ្វីវានឹងលោតផ្ទាំងមកបង្ហាញថាគណនីកំពុងតែបង្កើត បន្ទាប់មកវានឹង Login ចូលទៅគណនីចាស់របស់អ្នកវិញ

*សម្រាប់ប្រព័ន្ធ Android វិញអ្នកអាចសាកល្បងធ្វើការលុបកម្មវិធីហ្វេសប៊ុក បូករួមទាំងកម្មវីធី Messenger (ប្រសិនបើមានបញ្ហាដូចគ្នា) នៅលើទូរសព្ទរួចដំឡើងជាថ្មីម្ដងទៀត នោះនឹងអាចដោះស្រាយបញ្ហាបានជាមិនខានឡើយ។

បញ្ជាក់ថាវិធីដោះស្រាយទាំងបីខាងលើនេះដកស្រង់ចេញពី Help Center របស់ហ្វេសប៊ុក ដែលអ្នកប្រើប្រាស់មួយចំនួនអនុវត្តន៍តាមឃើញថាមានប្រសិទ្ធភាព៕

ចុចអាន៖ ចង់ប្តូរប៊ូតុង Like ថ្មីលើ Facebook ទៅជារូប Troll សាកតាមវិធីនេះ

ប្រែសម្រួល៖ ហៃ សុខហេង ប្រភព៖ Facebook