ក្មួយស្ដេចប្រ៊ុយណេ ចុះកុងត្រា៣ឆ្នាំលេងឲ្យ Leicester City

2016-03-16 20:43:49
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ Faiq Jefri Bolkiah ដែលជាក្មួយប្រុសបង្កើតរបស់ស្ដេចប្រ៊ុយណេ បានចុះកុងត្រារយៈពេល៣ឆ្នាំ លេងឲ្យក្រុមកំពុងឡើងជើងខ្លាំង Leicester City បន្ទាប់កិច្ចសន្យារបស់គេជាមួយក្លឹប Chelsea បានបញ្ចប់។

ខ្សែបម្រើស្លាបវ័យ១៧ឆ្នាំ ដែលធ្លាប់ហាត់នៅក្លឹប Arsenal និង Reading រូបនេះ សង្ឃឹមថា នឹងអាចបង្ហាញទម្រង់លេងល្អ ដើម្បីជាប់ជម្រើសដំបូងឈុតធំ នៅក្រុម Leicester រដូវកាលក្រោយ។

Bolkiah បានប្រកាសពីការផ្ទេរទៅកីឡដ្ឋាន King Power នៅលើ Instagram ថា៖ "ខ្ញុំរីករាយណាស់ និងសូមប្រកាសថា ខ្ញុំបានចុះកុងត្រាផ្លូវការរយៈពេលវែងជាមួយក្លឹប Leicester។ ខ្ញុំសូមអរគុណ ដល់គ្រួសាររបស់ខ្ញុំ និងមិត្តភ័ក្ដិជិតស្និទ្ធរបស់ខ្ញុំទាំងអស់ ដែលតែងគាំទ្ររូបខ្ញុំ។ ខ្ញុំពិតជាចង់បង្ហាញខ្លួនចូលលេងឆាប់ៗខ្លាំងណាស់”។

Faiq Jefri Bolkiah (អាវស)

កីឡាករវ័យក្មេងរបស់អាស៊ីរូបនេះ នឹងបង្ហាញខ្លួនផ្លូវការនៅក្លឹប Leicester នារដូវកាលក្ដៅខាងមុខនេះ ពេលទីផ្សារដោះដូរកីឡាករបើកជាថ្មី។ ក្រៅពី Bolkiah អ្នកចាត់ការ Claudio Ranieri របស់ក្រុមកញ្ជ្រោង ក៏កំពុងតែចាប់អារម្មណ៍កីឡាករ Francesco Totti វីរបុរសរបស់ក្រុម Roma ផងដែរ៕

-ចុចអាន៖ លោកសង្ឃថៃ ប្រាប់មូលហេតុដែលក្រុម Leicester ខ្លាំងរដូវកាលនេះ

ប្រែសម្រួល៖ វិន ជីវ័ន្ត ប្រភព៖ TheSun