ការពិត៨យ៉ាងគួរឲ្យចាប់អារម្មណ៍ពី Mario Maurer ដែលអ្នកអាចមិនដឹង
- 2016-03-17 13:11:24
- ចំនួនមតិ 0 | ចំនួនចែករំលែក 0
ការពិត៨យ៉ាងគួរឲ្យចាប់អារម្មណ៍ពី Mario Maurer ដែលអ្នកអាចមិនដឹង
ចន្លោះមិនឃើញ
ចាប់តាំងពីសម្ដែងរឿង "Pee Mak” មក តារាសម្ដែងថៃ Mario Maurer បានក្លាយជាតារាក្នុងដួងចិត្តរបស់អ្នកគាំទ្រនារីៗជាច្រើន ទាំងក្នុងនិងក្រៅប្រទេស។ យ៉ាងណាមិញក្រៅពីមានរូបរាងសង្ហា ជាកូនកាត់ថៃ និងអាល្លឺម៉ង់ នៅមានការពិតគួរឲ្យចាប់អារម្មណ៍ចំនួនទៀតដែលអ្នកគាំទ្រអាចមិនទាន់ដឹងពីតារាវ័យ២៧ឆ្នាំ Mario។
មនុស្សជាច្រើនស្គាល់គេតាមរយៈឈ្មោះ Mario Maurer ប៉ុន្តែដើមឡើយតារាវ័យក្មេងរូបនេះក៏មានឈ្មោះនិងនាមត្រកូលថៃដែរគឺ ណាថាវុធ សុវណ្ណារ៉ាត់។ ដោយឡែកឈ្មោះជាភាសាបរទេសថា Mario គឺឪពុករបស់គេជាជនជាតិអាល្លឺម៉ង់ ជាអ្នកដាក់ឲ្យដោយយកតាមឈ្មោះអ្នកប្រណាំងម៉ូតូជនជាតិអ៊ីតាលីម្នាក់។
២. មានឱកាសចូលសិល្បៈព្រោះទៅដើរលេងនៅផ្សារទំនើប
Mario មានឱកាសប្រឡូកវិស័យសិល្បៈនៅអាយុ១៦ឆ្នាំ ដោយសារបានជួបអ្នកធ្វើការផ្នែកជ្រើសរើសតារាម្នាក់ដោយចៃដន្យ នៅពេលគេទៅដើរកម្សាន្តនៅផ្សារទំនើប Siam Square ក្នុងទីក្រុងបាងកក។ ក្រោយមក Mario ត្រូវបានទាក់ទងឲ្យថតរូបម៉ូដែលសម្រាប់ទស្សនាវដ្ដី និងរូបផ្សព្វផ្សាយពាណិជ្ជកម្ម។ រូបថតរបស់ Mario ក៏បានក្លាយជាទីចាប់អារម្មណ៍យ៉ាងខ្លាំងលើបណ្ដាញអ៊ីនធឺណិត ក្នុងជំនាន់ដែលគេនិយមលេង hi5។
៣. ល្បីឈ្មោះតាមរយៈភាពយន្តប្រុសស្រឡាញ់ប្រុស
ភាពយន្តដំបូងរបស់ Mario រឿង " The Love of Siam” ដែលនិយាយពីស្នេហារវាងប្រុសនិងប្រុស បានទទួលជោគជ័យគួរឲ្យកត់សម្គាល់ ដែលធ្វើឲ្យកំលោះសង្ហារូបនេះបានក្លាយជាតារាល្បីមួយរូបភ្លាមៗ រួមទាំងទទួលបានពានរង្វាន់ជាច្រើន ទាំងក្នុងនិងក្រៅប្រទេស។
៤. ធ្លាប់ជាតារាសម្ដែងម្នាក់របស់ទូរទស្សន៍ប៉ុស្តិ៍លេខ៧ ថៃ
មុនក្លាយជាតួឯកប្រុសលេចធ្លោមួយរូបរបស់ទូរទស្សន៍ថៃប៉ុស្ដិ៍លេខ៣ តួឯកប្រុសរឿង "បេះដូងស្នេហ៍ពីរជាតិ" ធ្លាប់ចូលសម្ដែងភាពយន្តភាគមួយចំនួនរបស់ទូរទស្សន៍ប៉ុស្តិ៍លេខ៧ ដូចជារឿង "Moo7 DedSaRaTi" និង "Kling vai korn phor sorn vai" ប៉ុន្តែគ្រាន់តែជាតួរាយរងប៉ុណ្ណោះ។
៥. អាជីពក្នុងក្ដីស្រមៃ គឺជាប៉ូលិស ឬទាហាន
ពេលនៅក្មេង អាជីពដែល Mario ប៉ងប្រាថ្នាគឺធ្វើប៉ូលិស ឬទាហាន S.W.A.T និងមិនធ្លាប់ស្រមៃថានឹងប្រឡូកក្នុងវិស័យសិល្បៈឡើយ។
៦. ចូលចិត្តចិញ្ចឹមត្រីជល់ ជាការកម្សាន្ត
មិនដឹងថាបច្ចុប្បន្ននេះ Mario នៅចូលចិត្តចិញ្ចឹមត្រីជល់ទៀតឬក៏អត់ទេ ក៏ប៉ុន្តែកាលនៅក្មេងតារារូបនេះធ្លាប់ចិញ្ចឹមត្រីប្រភេទនេះទុកបាន ៧០ក្បាល និងធ្លាប់យកពួកវាទៅប្រកួតពានរង្វាន់ថ្នាក់ជាតិទៀតផង។
៧. ចូលចិត្តស្ទីល Hip-Hop
មនុស្សជាច្រើនមើលឃើញថា Mario មានចរិតស្ងៀមៗ ស្រគត់ស្រគំ ប៉ុន្តែតាមការពិត Mario គឺជាមនុស្សចូលចិត្តលេងសើច ប៉ិននិយាយពាក្យកំប្លែងៗ ព្រមទាំងចូលចិត្តស្ទីល Hip-Hop និងចូលចិត្តជិះក្ដារស្គីជាទីបំផុត។
៨. ស្នេហា៖ សង្សារ១០ឆ្នាំ ចុងក្រោយក្លាយជាប្រពន្ធគេ
Mario បានកសាងចំណងស្នេហ៍ជាមួយតារាសម្ដែងស្រី Gubgib អស់រយៈពេលជាង១០ឆ្នាំ តែទីបំផុតក៏បានចែកផ្លូវគ្នានៅឆ្នាំ២០១៣។ បច្ចុប្បន្ន Gubgib បានរៀបការព្រមទាំងមានកូនបាត់ទៅហើយជាមួយតារាចម្រៀង Bie Kpn ក្រោយទាក់ទងគ្នាតែមួយឆ្នាំ ចំណែក Mario កំពុងសាងទំនាក់ទំនងស្នេហាថ្មីជាមួយតារាចម្រៀង Gaia Janji Janjira ៕
Mario និងសង្សារចាស់
Mario និងសង្សារថ្មី
ចុចអាន៖តួស្រីរឿង “កែងឆេះ ជង្គង់ហោះ” ទោះមានប្ដី វ័យជ្រេ តែសម្រស់នៅតែក្មេងខ្ចីចុចអាន៖តោះ ទៅមើលតារាល្បីៗថៃជិះឡានទំនើបៗអ្វីខ្លះ?
ប្រែសម្រួល៖ វ៉ាន់ថន ប្រភព៖ gossipstar