“មហិច្ឆតាអ៊ូម៉ីនាង" ល្បីដល់ថ្នាក់ត្រូវបានយកទៅចាក់ផ្សាយនៅកូរ៉េខាងត្បូង

2016-03-18 15:43:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកូរ៉េខាងត្បូងដែលល្បីខាងនាំចេញរឿងភាគទៅលក់នៅក្រៅប្រទេសនោះ ឥលូវបែរជាយករឿងភាគបុរាណចិនមកចាក់នៅប្រទេសខ្លួនវិញ។

តាមបណ្ដាញព័ត៌មាននានា ក្រោយពីទទួលបានជោគជ័យកាលពីឆ្នាំមុននៅពេលចាក់ផ្សាយរឿងភាគចិន "Nirvana in Fire”នោះ នៅពេលនេះវិស័យទូរទស្សន៍កូរ៉េបន្តយករឿងភាគចិនមកផ្សាយឲ្យទស្សនិកជនខ្លួនទស្សនាបន្តទៀត។ រឿងភាគដែលចាក់ផ្សាយនៅកូរ៉េខាងត្បូងលើកនេះ គឺកំពូលរឿងភាគបុរាណចិន "The Empress of China” ដែលមានការចូលរួមសម្ដែងពីសំណាក់តារាស្រីល្បីឈ្មោះ Fan BingBing។ រឿងភាគដែលចំណាយលុយផលិត ៥០លានដុល្លារនេះត្រូវបានចាក់ផ្សាយលើប៉ុស្តិ៍ Chunghwa កាលពីថ្ងៃ ១៤ ខែមីនាមុននេះ។

“មហិច្ឆតាអ៊ូម៉ីនាង" ត្រូវបានចាក់ផ្សាយដំបូងនៅចិនដីគោកកាលពីខែធ្នូឆ្នាំ ២០១៥ ហើយរឿងភាគនេះបានបំបែកកំណត់ត្រាទូរទស្សន៍និងចំនួនអ្នកមើលតាមអ៊ីនធឺណិតទាំងឡាយនៅប្រទេសនេះ។ ភាគទី១របស់រឿងបុរាណចិននេះ ដែលត្រូវបានចាក់ផ្សាយលើប៉ុស្តិ៍ Hunan នោះបានមានចំនួនអ្នកទស្សនាច្រើនជាងគេនៅប្រវត្តិសាស្ត្រវិស័យទូរទស្សន៍ចិន។ នៅហុងកុង "The Empress of China” គឺជារឿងភាគដែលមានចំនួនអ្នកមើលច្រើនជាងគេលំដាប់លេខ២ក្នុងឆ្នាំ ២០១៥។ ចំណែកឯនៅទីផ្សារតៃវ៉ាន់វិញ រឿងភាគនិយាយពីស្ដេចស្រីតែមួយគត់របស់ចិននេះក៏ទទួលបានជោគជ័យមិនធម្មតាដែរ៕

ចុចអាន៖Fan BingBing និងគូស្នេហ៍ Li Chen ឈរឈ្មោះទិញភូមិគ្រឹះរួមគ្នា

ប្រែសម្រួល៖ សុវណ្ណផៃ ប្រភព៖jaynestars