លោកចោរនឹងអស់លក្ខណ៍ បើម្ចាស់ម៉ូតូប្រើឧបករណ៍តាមដានទីតាំងនេះ

2016-03-21 16:39:26
ចំនួនមតិ 0 | ចំនួនចែករំលែក 0

ចន្លោះមិនឃើញ

GPS Motorcycle Tracker ជាឧបករណ៍ទំនើបមួយដែលបំពាក់លើយានជំនិះ ដើម្បីអាចតាមដានទីតាំងម៉ូតូទោះបីត្រូវបានចោរលួចឬនៅកន្លែងណាក៏ដោយ។

ឧបករណ៍សុវត្ថិភាព GPS Motorcycle Tracker នេះ មានប្រព័ន្ធអាចការពារទឹក ពេលម៉ូតូត្រូវលាងសម្អាត។ បើតាមលោក គន្ធា ដែលជាអ្នកជំនាញនៅក្រុមហ៊ុន We Smart ថា ឧបករណ៍នេះចំណាយពេលដំឡើងតែប្រហែលកន្លះម៉ោងប៉ុណ្ណោះ។ វាត្រូវភ្ជាប់ជាមួយប្រព័ន្ធភ្លើងនិងសោរបស់ម៉ូតូ ដើម្បីតាមដានសកម្មភាពមួយចំនួននៅពេលនរណាម្នាក់បម្រុងលួច។

ក្រោយដំឡើងរួច អ្នកប្រើប្រាស់ត្រូវដំឡើងកម្មវិធីមួយឈ្មោះ GPSOO នៅលើ iPhone ឬស្មាតហ្វូនប្រើ Android ដើម្បីអាចដឹងទាន់ពេលវេលានៅពេលម៉ូតូត្រូវចោរលួចភ្លាមៗ។ ប៉ុន្តែសម្រាប់អ្នកប្រើទូរសព្ទស៊េរីទាបដូច Nokia ចុចពិលក៏អាចបញ្ជាទៅលើម៉ូតូបានដែរ តាមរយៈការផ្ញើសារបញ្ជាទៅកាន់ឧបករណ៍ GPS លើម៉ូតូ គ្រាន់តែពុំអាចដឹងពីទីតាំងរបស់ម៉ូតូបានប៉ុណ្ណោះ។

លោក គន្ធា បញ្ជាក់ថា GPS Motorcycle Tracker អាចឱ្យម្ចាស់ម៉ូតូបញ្ជាម៉ូតូឱ្យរលត់ ឬដេរមិនឆេះ និងអាចតាមដានពីទីតាំងដោយប្រើផែនទីនៅលើកម្មវិធី GPSOO ពេលដឹងថាម៉ូតូត្រូវគេលួច ឯតម្លៃប្រមាណ ៧០ដុល្លារ។

ដោយឡែកសម្រាប់រថយន្ត គេប្រើឧបករណ៍ឈ្មោះ GPS Vehicle Tracker តម្លៃ ៨៥ដុល្លារ ដំណើរការស្រដៀងគ្នាទៅនឹង GPS Motor Tracker ដែរ គ្រាន់តែមានចំណុចពិសេសជាងមួយចំនួនប៉ុណ្ណោះ៕