២វិធី សាមញ្ញបំផុតជួយឲ្យកុំព្យូទ័របើកលឿនជាងមុន

2016-03-21 21:14:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាកុំព្យូទ័រអ្នកត្រូវបានថែរក្សាយ៉ាងល្អឥតខ្ចោះពីមេរោគយ៉ាងណាក្ដី ប៉ុន្តែពេលដែលប្រើប្រាស់យូរទៅមានអារម្មណ៍ថា ការបើកឡើងហាក់យឺតជាងពីមុន។ ប៉ុន្តែកុំបារម្ភ ព្រោះមានវិធីងាយៗមួយចំនួនអាចជួយបង្កើនល្បឿនកុំព្យូទ័រអ្នកបាន។

១. រក្សា Desktop ឲ្យស្អាតល្អ

វិធីដ៏ងាយបំផុតមួយនោះគឺធ្វើយ៉ាងណាឲ្យ Desktop មានសភាពទំនេរ។ ការរក្សាទុកឯកសារ, រូបថត, Folder និងកម្មវិធីលើ Desktop ច្រើនពេកធ្វើឲ្យកុំព្យូទ័របើកឡើងមក ត្រូវបញ្ចេញកម្លាំងខ្លាំង។ ហេតុនេះនៅលើ Desktop អ្នកគួររក្សាតែកម្មវិធីដែលប្រើប្រាស់ញឹកញាប់ ដោយមិនត្រូវចាត់ទុកវាជាកន្លែងសម្រាប់ទុកឯកសារនោះឡើយ។

២. បិទកុំឲ្យកម្មវិធីបើកដោយខ្លួនឯង នៅពេលកុំព្យូទ័របានបើក

កម្មវិធីមួយចំនួនដែលដំឡើងនៅលើកុំព្យូទ័រ ត្រូវបានកំណត់ដោយខ្លួនវាផ្ទាល់ ថានឹងបើកឡើងរៀងរាល់ពេលដែលម៉ាស៊ីនកុំព្យូទ័របើក ដែលធ្វើឲ្យការបើកយឺតយ៉ាវ។ ហេតុនេះត្រូវចូលទៅបិទមុខងារដែលកម្មវិធីទាំងនោះបានកំណត់។

ដើម្បីបិទចូលទៅកាន់ម៉ឺនុយ Start រួចវាយពាក្យ MSConfig រួចចុច Enter។ ចុចលើ Tab ដែលមានឈ្មោះថា Startup។ ជាបន្តដកសញ្ញាគ្រីសចេញពីប្រអប់នៃកម្មវិធី ដែលអ្នកមិនចង់ឲ្យវាបើកដោយស្វ័យប្រវត្តិ ពេលកុំព្យូទ័រដំណើរការ៕

ចុចអាន៖ ដំណោះស្រាយពេលចុចមើលវីដេអូ YouTube ស្រាប់តែលោតផ្ទាំងនេះចេញមក

ប្រែសម្រួល៖ ហៃ សុខហេង ប្រភព៖ Mashable