បរិមាណនៃការលក់ Galaxy S7/S7 Edge កើនឡើងលើសការរំពឹងទុក

2016-03-22 16:31:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទកំពូលប្រចាំឆ្នាំរបស់ក្រុមហ៊ុន Samsung ហាក់បានទទួលផលវិជ្ជមានគួរឲ្យកត់សម្គាល់ពីសំណាក់អតិថិជននៅជុំវិញពិភពលោក។ បើតាមរបាយការជាច្រើនដែលបានផ្សព្វផ្សាយកន្លងមកបានបង្ហាញថាបិរមាណលក់របស់ Galaxy S7/S7 Edge មានការកើនឡើងលើសពីការរំពឹងទុក។

តាមការស្រាវជ្រាវរបស់ SamMobile ក្នុងប្រទេសចិនបានបង្ហាញថា Galaxy S7/S7 Edge ទំនងជាទទួលបានការកុម្ម៉ង់ទុកមុនច្រើនជាង១០លានគ្រឿង សម្រាប់ក្នុងប្រទេសចិនផ្ទាល់។ ដោយឡែកខាងតំបន់សភាពអឺរ៉ុបឯណោះវិញការកុម្ម៉ង់ទុកមុនលើត្រកូល S7 ទាំងពីរកើនឡើងដល់ទៅ ២៥០% ខ្ពស់ជាងការកុម្ម៉ង់ទុកមុនលើម៉ូដែល S6 កាលពីឆ្នាំទៅ។

លើសពីនេះទៅទៀតការលក់ដំណាក់កាលដំបូងក្នុងប្រទេសឥណ្ឌាដែលបានចាប់ផ្ដើមកាលពីថ្ងៃសុក្រ សប្ដាហ៍កន្លងទៅត្រូវបានគេរាយការណ៍ថាមានការកើនឡើងលើសពីការរំពឹងទុកដូចគ្នា។

ក្រុមអ្នកវិភាគជឿជាក់ថាផលវិជ្ជមានរបស់ S7/S7 Edge គឺព្រោះតែ Samsung បាននាំយកនូវរន្ធសម្រាប់បន្ថែម SD Card ក៏ដូចជាមុខងារមិនជ្រាបទឹកត្រឡប់មកវិញ៕

ចុចអាន៖ បើកឆាកភ្លាម អតិថិជនកកកុញតម្រង់ជួរទិញ Galaxy S7/S7 Edge

ប្រែសម្រួល៖ ហៃ សុខហេង ប្រភព៖ SamMobile, GSMArena