ស្ត្រីមួយរូបស្រែករកឡានពេទ្យ ក្រោយត្រូវឡានកូនក្មេងបើកបុក
- 2016-03-26 16:59:25
- ចំនួនមតិ 0 | ចំនួនចែករំលែក 0
ស្ត្រីមួយរូបស្រែករកឡានពេទ្យ ក្រោយត្រូវឡានកូនក្មេងបើកបុក
ចន្លោះមិនឃើញ
ករណីរបស់ស្ត្រីវ័យចំណាស់មួយរូប បានក្លាយជាប្រធានបទក្ដៅគគុកមួយលើបណ្ដាញអ៊ីនធឺណិត បន្ទាប់ពីមានវីដេអូបង្ហាញថា គាត់មិនព្រមងើបពីផ្លូវថ្មើរជើងមួយកន្លែងនាទីក្រុង Chongqing ក្រោយពីត្រូវឡាន(ប្រភេទឡានកូនក្មេងលេង)បើកបុក។
នៅក្នុងវីដេអូដែលបង្ហោះ ឃើញថា គាត់បានស្រែករកឡានសង្គ្រោះ ស្របពេលដែលដៃរបស់គាត់តោងជាប់កូនឡាន ដើម្បីបង្ខាំងកុំឲ្យឡានបើករត់បាត់។ មិនតែប៉ុណ្ណោះគាត់ថែមទាំងបានប្រកែកគ្នាជាមួយម្ដាយរបស់ក្មេងស្រីដែលជាអ្នកបើកឡានបុកថែមទៀតផង។
អ្នកប្រើប្រាស់បណ្ដាញអ៊ីនធឺណិតមួយរូប បានបញ្ចេញមតិក្នុងន័យកំប្លែងចំពោះវីដេអូថា ៖ "បើកឡានលើផ្លូវថ្មើរជើងហើយថែមទាំងគ្មានប័ណ្ណបើកបរទៀត ក្មេងនេះចប់ហើយ"។
យ៉ាងណាក្ដី ចុងក្រោយស្ត្រីចំណាស់ខាងលើត្រូវបានបញ្ចូនទៅមន្ទីរពេទ្យដើម្បីព្យាបាលពិតប្រាកដមែន។ នេះបើយោងតាមការចុះផ្សាយរបស់សារព័ត៌មាន Sohu News៕
ចុចអាន៖ ក្មេងស្រីតូចកើតមកភ្លាមមានសក់ដុះពេញក្បាល ក្លាយជាមនុស្សល្បីលើអ៊ីនធឺណិត
ប្រែសម្រួល៖ ហៃ សុខហេង ប្រភព៖ shanghaiist