គង់ ចាន់ស្រីមុំ ដឹកដៃ គឹម សីហា ទៅក្រេបទឹកឃ្មុំនៅជប៉ុន

2016-03-29 17:15:22
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្វាមីភរិយាថ្មីថ្មោង គង់ ចាន់ស្រីមុំ និង គឹម សីហា បន្ទាប់ពីរៀបការអស់រយៈពេលពីរសប្ដាហ៍រួចមក យប់មិញនេះអ្នកទាំងពីរទើបតែបានចេញទៅក្រេបទឹកឃ្មុំនៅប្រទេសជប៉ុន។

តារាសម្ដែងស្រីវ័យ ២៦ ឆ្នាំរូបនេះ បានប្រាប់អ្នកសារព័ត៌មានក្នុងអំឡុងពេលរៀបការថា នាងព្រមទាំងស្វាមី នឹងធ្វើដំណើរកម្សាន្តទៅប្រទេសជប៉ុនពេលរៀបការ។ តែមិនមែនពេលរៀបការហើយថ្មីថ្មោងឡើយ ព្រោះត្រូវបញ្ចប់កិច្ចការដែលនៅសេសសល់ឲ្យហើយទើបអាចទើបក្រេបទឹកឃ្មុំបាន។

មុននេះបន្តិច Facebook ឈ្មោះ Kong Chan Sreymom New ដែលជាគណនីរបស់ ស្រីមុំ បានបង្ហោះថា អ្នកទាំងពីរពេលនេះបានទៅដល់ប្រទេសកូរ៉េហើយ និងកាលពីយប់មិញអ្នកទាំងពីរក៏បានបង្ហាញពីសកម្មភាពរៀបចំឥវ៉ាន់ធ្វើដំណើរផងដែរ។

មិនត្រឹមតែប៉ុណ្ណោះ គូស្នេហ៍ដែលជាតារាទាំងទ្វេក៏បានទទួលកាដូពីមិត្តភ័ក្ដិជិតស្និទ្ធនៅក្នុងរង្វង់សិល្បៈដូចគ្នា គឺអ្នកនាង យ៉ាន លីនដា ជាការធ្វើដំណើរកម្សាន្តទៅក្រេបទឹកឃ្មុំនៅកោះ ម៉ាល់ឌីវ រយៈពេល បីយប់បួនថ្ងៃថែមទៀតផង៕