Jennifer Lopez មានវត្តមានក្នុងមង្គលការកូនសេដ្ឋីរុស្សីដែលចំណាយអស់១០០០លានដុល្លារ

2016-03-31 16:15:37
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងស្រីជើងចាស់អាមេរិក Jennifer Lopez មានកិត្តិយសដោយត្រូវបានមហាសេដ្ឋីរុស្សីលោក Mikhail Gutseriev អញ្ជើញសម្ដែងក្នុងពិធីមង្គលការកូនប្រុសរបស់ខ្លួន ដែលចំណាយលុយរៀបចំពិធីអស់១០០០លានដុល្លារ។

Said Gutseriev វ័យ២៨ឆ្នាំជាកូនប្រុសរបស់មហាសេដ្ឋី Mikhail Gutseriev បានចូលរោងការជាមួយនាង Khadija Uzhakhovs អាយុ២០ឆ្នាំ នៅទីក្រុងមូស្គូ ប្រទេសរុស្សី កាលពីសប្ដាហ៍មុន។ តាមការឲ្យដឹងចំនួនទឹកប្រាក់ដែលរៀបចំពិធីការគឺចំណាយអស់៧០០លានផោន(១០០០លានដុល្លារ)។

សម្រាប់ចំនួនទឹកប្រាក់ដ៏ច្រើននេះ បានធ្វើឲ្យអ្នកសារព័ត៌មានទាំងក្នុងនិងក្រៅស្រុកចាប់អារម្មណ៍យ៉ាងខ្លាំង។ លើពីនេះទៅទៀតអាពាហ៍ពិពាហ៍ខាងលើក៏មានវត្តមានតារាល្បីឈ្មោះជាច្រើនរូបចូលរួមសម្ដែងដូចជា Jennifer Lopez, StingនិងEnrique Iglesias។

ចំពោះលុយដែលចំណាយលើមង្គលការគឺឪពុកខាងប្រុសលោមហាសេដ្ឋីរុស្សី Mikhail Gutseriev ជាអ្នករ៉ាប់រងទាំងអស់។ នេះតាមការឲ្យដឹងពី BuzzFeed។ Mikhail Gutseriev ជាអ្នកជំនួញខាងប្រេង ដែលជាមុខរបរជួយឲ្យលោកក្លាយជាមហាសេដ្ឋី។ បើតាមទស្សនាវដ្ដី Forbes លោកមានទ្រព្យសម្បត្តិ៦,២ពាន់លានដុល្លារ។

យោងតាម Daily Mail បញ្ជាក់ថា កូនក្រមុំគឺជានិស្សិតពេទ្យធ្មេញក្នុងសាកលវិទ្យាល័យMoscow State University ខណៈកូនកំលោះបានបញ្ចប់ការសិក្សានៅសាកលវិទ្យាល័យOxford ប្រទេសអង់គ្លេស៕