សួនកម្សាន្តក្រោមដីដ៏កម្រមួយលើលោក ឃើញហើយព្រឺ

2016-04-15 17:00:24
ចំនួនមតិ 0 | ចំនួនចែករំលែក 0

ចន្លោះមិនឃើញ

សួនកម្សាន្តក្រោមដីដ៏ជ្រៅមួយនៅប្រទេសរ៉ូម៉ានី កំពុងទាក់ទាញអ្នកទស្សនាច្រើនឡើងៗ គឺជាង ៦០ម៉ឺននាក់រៀងរាល់ឆ្នាំ ដោយសារទិដ្ឋភាព និងទីកន្លែងប្លែកគេ។

សួនដ៏ល្បីនេះស្ថិតនៅក្រោមដីជ្រៅបំផុត ១២២ម៉ែត្រ ជារណ្ដៅជីកយកអំបិលដោយគ្រឿងយន្ត និងគ្រាប់បែក ឈ្មោះ Rudolf Mine តែត្រូវបានគេកែប្រែទៅជាសួនកម្សាន្តកំពុងពេញនិយម។ កន្លែងអ្នកចូលទស្សនាឈរមើលមានជម្រៅ ៤២ម៉ែត្រ ទទឹងរណ្ដៅប្រវែង ៦០ម៉ែត្រ និងប្រវែងបណ្ដោយ ៨០ម៉ែត្រ។ ក្នុងនោះក៏មានសាលមួយ ដាក់មនុស្សបាន ១៨០នាក់ និងមានបន្ទប់ច្រើនទៀត ឯជុំវិញកន្លែងឧបករណ៍ជិះកម្សាន្តជាបឹង មានទូកជិះលេងជាច្រើនគ្រឿង។

ដើម្បីចូលទៅដល់កន្លែងលេង អ្នកទស្សនាត្រូវជិះជណ្ដើរយន្ត ឬចុះតាមកាំជណ្ដើរធម្មតា ដែលលម្អដោយអំពូលសំយុងចុះរាប់រយ។ ចំណែកបរិយាកាសក្នុងរណ្ដៅរាងក្រឡូមដូចចានគោមនេះ ត្រូវអ្នកជំនាញអះអាងថា ផ្ដល់អត្ថប្រយោជន៍ជាច្រើនដល់សុខភាព ជាពិសេសចំពោះអ្នកមានជំងឺពិបាកដកដង្ហើម ជាមួយសីតុណ្ហភាពថេរ ១២អង្សា។ សូមទស្សនាបណ្ដុំរូបភាពខាងក្រោម៖