វិធីថតអេក្រង់លើស្មាតហ្វូនគ្រប់ម៉ាកទាំងអស់

2016-04-06 13:15:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតថាមុខងារថតអេក្រង់ (screenshot) ជាមុខងារតូចមួយ ប៉ុន្តែវាបានផ្ដល់សារប្រយោជន៍ដល់អ្នកប្រើប្រាស់មួយចំនួនធំ។ យ៉ាងណាក្ដី មានប្រិយមិត្តមួយចំនួនមិនទាន់ដឹងពីវិធីថតអេក្រង់នៅឡើយទេ។ តោះ! ចង់ដឹងទៅមើលទាំងអស់គ្នា ដូចខាងក្រោម៖

@Apple iPhone

ដើម្បីថតអេក្រង់គឺដំបូងចុចប៊ូតុង Power បូករួមប៊ូតុង Home ឬអាចបញ្ជាថតតាមរយៈ Assistive Touch ដោយចុចលើ Assistive Touch រួចចុចយកពាក្យ Device → More → Screenshot។

@Samsung Galaxy

ស្រដៀងនឹង iPhone ដែរគឺដំបូងចុចប៊ូតុង Home រួចចុចប៊ូតុង Power។ បើនៅលើត្រកូល Galaxy Note អាចបញ្ជាថតអេក្រង់តាមរយៈ Air Command ដែលប្រើជាមួយប៊ិច។

លើសពីនេះនៅលើត្រកូល Galaxy ខ្លះអាចកំណត់ឲ្យ ពេលអូសបាតដៃពីលើអេក្រង់ដើម្បីថតអេក្រង់បាន ដោយកំណត់តាម Settings -> Motion and gestures -> Palm swipe to capture។

@Oppo

ចុចប៊ូតុង Power ឲ្យជាប់រួចចុចប៊ូតុងបន្ថយសំឡេងដើម្បីថតអេក្រង់

@HTC

ចុចប៊ូតុង Power ឲ្យជាប់រួចចុចប៊ូតុងបន្ថយសំឡេង ឬចុចប៊ូតុង Home + ប៊ូតុង Power

@Lumia

វិធីថតអេក្រង់លើទូរសព្ទ Lumia ខុសគ្នាទៅតាមប្រព័ន្ធប្រតិបត្តិការ ដោយប្រព័ន្ធប្រតិបត្តិការ Windows 8.1 និង Windows 10 ចុចប៊ូតុង Power ឲ្យជាប់រួចចុចប៊ូតុងដំឡើងសំឡេង។ ចំណែកឯ Windows 8 វិញចុចប៊ូតុង Power + Home។

@LG

ទូរសព្ទ LG មានវិធីច្រើនយ៉ាងដើម្បីថតអេក្រង់ ដោយអាចចុចប៊ូតុង Power ឲ្យជាប់រួចចុចប៊ូតុងបន្ថយសំឡេង ឬអាចថតតាមរយៈ QMemo ដោយយកដៃអូសពីលើអេក្រង់ Home រួចអូសទៅស្ដាំ។

@Sony

ចុចប៊ូតុង Power រួចចុចប៊ូតុងបន្ថយសំឡេង ឬចុចលើប៊ូតុង Power ឲ្យជាប់រហូតដល់ចេញផ្ទាំងបិទ បន្ទាប់មកជ្រើសយកមុខងារ Capture Screen។

@Huawei

អ្នកប្រើប្រាស់ Huawei អាចថតអេក្រង់ដោយចូលតាមរយៈផ្ទាំង Notification Bar នៅផ្នែកខាងលើទូរសព្ទដោយជ្រើសមុខងារ Screen Capture ឬចុចប៊ូតុង Power ឲ្យជាប់រួចចុចប៊ូតុងបន្ថយសំឡេង។

@ទូរសព្ទ Android ម៉ាកដទៃទៀត អាចសាកល្បងថតអេក្រង់ដោយចុចប៊ូតុង Power ឲ្យជាប់រួចចុចប៊ូតុងបន្ថយសំឡេង៕

ចុចអាន៖ ចង់ទិញ iPhone SE ប្រយ័ត្នទិញចំ iPhone 5s បើមិនចេះមើល

ប្រែសម្រួល៖ ហៃ សុខហេង ប្រភព៖ thegioididong