Jessica លេចមុខជាមួយកំពូលតារាចិន និងហូលីវូដ ក្រោយចេញពី SNSD

2014-10-26 15:43:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយត្រូវបានដកចេញពីក្រុម Girls’ Generation តារាចម្រៀងកូរ៉េ Jessica កាន់តែទទួលបានការចាប់អារម្មណ៍ច្រើនពីសំណាក់មហាជន ក៏ដូចជាអ្នកសារព័ត៌មានផ្សេងៗ ហើយថ្មីៗនេះ Jessica បានធ្វើឲ្យអ្នកគាំទ្រកាន់តែចាប់អារម្មណ៍ថែមទៀត ក្រោយពីនាងបានបង្ហោះរូបថតមួយចំនួនដែលនាងបានថតជាមួយតារាល្បីៗជាច្រើននាក់នៅពេលចូលរួមកម្មវិធីពិព័រណ៍នៅប្រទេសចិន។

កាលពីថ្ងៃទី២៣ ខែតុលា កន្លងទៅ Jessica បានឆ្លៀតពេលដ៏មមាញឹករបស់នាងដើម្បីចូលរួមក្នុងកម្មវិធី “2014 Mission Hills World Celebrity Pro-Am” នៅប្រទេសចិន ដែលចូលរួមដោយអ្នកលេងកូនហ្គោលជំនាញៗជាច្រើននាក់ រួមទាំងតារាល្បីៗជុំវិញពិភពលោក។ ក្រោយចប់កម្មវិធី Jessica បានបង្ហោះរូបភាពដែលនាងបានថតជាមួយតារាល្បីៗពីប្រទេសផ្សេងៗដូចជា តារាសម្ដែងអាមេរិកតួ “Captain America” Chris Evan, តារាសម្ដែងម្ចាស់ពានរង្វាន់ Oscar 2014 Nicole Kidman, តារាចម្រៀងចិន Jay Chou និង Wang Leehom និងតារាជាច្រើនទៀត។

ចូលរួមក្នុងកម្មវិធីនោះ Jessica ក៏បានអះអាងប្រាប់អ្នកសារព័ត៌មានចិនដែរថា ពាក្យចចាមអារ៉ាមដែលថានាងរៀបការជាមួយបុរសអ្នកមាន Tyler Kwon នោះមិនមែនជាការពិតនោះទេ។

ចាប់តាំងពីបានបង្ហាញមុខក្នុងកម្មវិធីនៅចិនមក Jessica Jung ក៏បានចាប់ផ្ដើមបង្ហាញខ្លួនបណ្ដើរៗជាថ្មីនៅប្រទេសរបស់នាងគឺប្រទេសកូរ៉េ ស្របជាមួយការបន្តផ្សព្វផ្សាយក្រុមហ៊ុនសំលៀកបំពាក់ BLANC & ECLARE របស់នាង ៕

អានអត្ថបទ៖ Jessica បង្ហាញសារឈឺចាប់ ក្រោយត្រូវបណ្ដេញចេញពីក្រុម Girls’ Generation ជាផ្លូវការ