គ្រូ Leicester ឈ្នះពានអ្នកចាត់ការល្អបំផុតនៅ EPL ប្រចាំខែមិនា
- 2016-04-08 21:02:33
- ចំនួនមតិ 0 | ចំនួនចែករំលែក 0
គ្រូ Leicester ឈ្នះពានអ្នកចាត់ការល្អបំផុតនៅ EPL ប្រចាំខែមិនា
ចន្លោះមិនឃើញ
Claudio Ranieri អ្នកចាត់ការក្រុម Leicester City បានឈ្នះពានអ្នកចាត់ការល្អបំផុតនៅ Premier League (ខែមិនា) ជាលើកទី២ បន្ទាប់ពីជួយឲ្យក្រុមកញ្ជ្រោង ដាច់៧ពិន្ទុលើកំពូលតារាង និងកាន់តែខិតជិតលើកពាន។
អ្នកចាត់ការសញ្ជាតិអ៊ីតាលីរូបនេះ បានដឹកនាំ Leicester ៤ប្រកួតនៅ Premier League កាលខែមិនា ក្នុងនោះ ស្មើ១, ឈ្នះ៣ និងបិទ Clean Sheets ៣ប្រកួត។ ៤ប្រកួតរបស់ Leicester កាលខែមុនគឺ ឈ្នះ ១-០ ទាំង៣ក្រុម Watford, Newcastle និង Crystal Palace ប៉ុន្តែស្មើ ២-២ ទល់នឹង West Brom។
រីឯកីឡាករដែលល្អបំផុតប្រចាំខែមិនា គឺបានទៅលើខ្សែប្រយុទ្ធ Harry Kane របស់ក្រុម Tottenham Hotspur។ ខ្សែប្រយុទ្ធជម្រើសជាតិអង់គ្លេស ស៊ុតបាន៥គ្រាប់ ក្នុង៤ប្រកួតនៅ Premier League ខែមុន ដោយក្នុងនោះស៊ុតចូល Arsenal ១គ្រាប់, Aston Villa ២គ្រាប់ និងស៊ុត Bournemouth ២គ្រាប់ផងដែរ។ Kane ស៊ុតសរុបបាន២២គ្រាប់ហើយនៅ Premier League រដូវកាលនេះ និងជា Top Scorer ផងដែរ ដោយលើ Jamie Vardy របស់ Leicester ៣គ្រាប់៕
ប្រែសម្រួល៖ វិន ជីវ័ន្ត ប្រភព៖ mirror