ប្រទេស៥ ជាប់ចំណាត់ថ្នាក់ទទួលទានអាហារមានជីវជាតិបំផុត
- 2016-04-12 18:59:12
- ចំនួនមតិ 0 | ចំនួនចែករំលែក 0
ប្រទេស៥ ជាប់ចំណាត់ថ្នាក់ទទួលទានអាហារមានជីវជាតិបំផុត
ចន្លោះមិនឃើញ
អង្គការសុខភាពពិភពលោក (WHO) នាពេលថ្មីៗនេះ បានរកឃើញថាអត្រានៃអ្នកកើតជំងឺទឹកនោមផ្អែម មានការកើនឡើងគឺប្រមាណ ៤២២លាននាក់ជុំវិញពិភពលោក ដោយសារការទទួលទានចំណីអាហារមិនត្រឹមត្រូវ។
ក្នុងនោះជំងឺទឹកនោមផ្អែមប្រភេទ ២ ត្រូវគេប្រទះឃើញញឹកញាប់ជាងគេ ដោយសារពួកគេធាត់ជ្រុល និងអាយុច្រើន ដែលរារាំងលំពែងមិនឲ្យផលិតអាំងស៊ុយលីនគ្រប់គ្រាន់ ដើម្បីដំណើរការជាតិស្ករ។
ការទទួលទានចំណីអាហារបានត្រឹមត្រូវ អាចជួយឲ្យមនុស្សមិនអាចវិវឌ្ឍទៅជាជំងឺទឹកនោមប្រភេទ ២បាន។ ប្រទេសទាំង ៥ខាងក្រោម ត្រូវគេចាត់ទុកថាការទទួលទានអាហាររបស់ប្រជាជន មានជីវជាតិបំប៉នល្អដល់សុខភាព។
១. ប្រទេស Mediterranean
ម្ហូបអាហារនៅទីនេះសម្បូរបន្លែ និងផ្លែឈើស្រស់ គ្រាប់ធញ្ញជាតិ គ្រាប់ផ្លែឈើ ស្រាក្រហម ត្រី ទឹកដោះគោ និងប្រេងអូលីវ។ របបអាហារ Mediterranean នេះ មានភាពល្បីល្បាញក្នុងចំណោមអាហារសុខភាពទាំងអស់ក្នុងលោក ពោលវាបានកាត់បន្ថយជំងឺរ៉ាំរ៉ៃ ដូចជាបេះដូង ដាច់សរសៃខួរក្បាល ទឹកនោមផ្អែមប្រភេទ ២ និងជំងឺវង្វេងជាដើម។
២. ប្រទេសជប៉ុន
ចំនួនប្រជាជនជប៉ុន ស្ថិតក្នុងចំណោមអ្នកមានអាយុវែងច្រើនជាងគេមួយក្នុងលោក ដោយអាហារពួកគេទទួលទានមានផ្ទុក កាបូនអ៊ីដ្រាត បន្លែ ផ្លែឈើ ត្រី សាច់ជាដើម។
៣. ប្រទេស Nodic
ប្រទេសនេះស្ថិតនៅអឺរ៉ុបខាងជើង ហើយអាហារពេញនិយមមាននំប៉័ង ត្រីសម្បូរជាតិខ្លាញ់ ផ្លែ Rose Hip បន្លែមើម ទឹកគោ និងឈីសផ្អាប់ ដោយអាហារទាំងនេះបានកាត់បន្ថយការរលាក។ ខ្លាញ់ត្រី មើមបន្លែ និងបន្លែពណ៌ស្រស់ៗ មានផ្ទុកសារធាតុ Beta-carotene និងប្រឆាំងអុកស៊ីតកម្ម។
៤. ប្រទេសអាហ្វ្រិកខាងលិច
ប្រជាជនរស់នៅអាហ្វ្រិកខាងត្បូងដូចជាម៉ាលី ឆាដ សេណេហ្គាល់ និងសេរ៉ាឡេអូន ក៏ត្រូវគេរកឃើញអាហារផ្ទុកសារធាតុចិញ្ចឹមច្រើនដែរ។ អ្នកជំនាញនៃសាកលវិទ្យាល័យ Cambridge បានវាយតម្លៃលើអាហារ បន្លែផ្លែឈើ ត្រី សាច់ គ្រាប់ធញ្ញជាតិក្នុងបណ្ដាប្រទេសនេះមានជាតិសរសៃខ្ពស់ និងជាតិ Omega 3 ច្រើនជាងគេបំផុត។
៥. ប្រទេសបារាំង
អាហារមានផ្ទុកសារធាតុចិញ្ចឹមល្អក្នុងប្រទេសនេះមានឈីស នំប៉័ង និងស្រាក្រហម សាច់ បន្លែផ្លែឈើស្រស់ និងគ្រាប់ធញ្ញជាតិជាដើម៕
ចុចអាន៖ អាហារក្លែងក្លាយ៧ប្រភេទ ដែលអ្នកគួរឈប់ញ៉ាំចាប់ពីពេលនេះ
ចុចអាន៖ អាហារ ៤ ប្រភេទអ្នកត្រូវក្លាសេក្នុងទូរទឹកកក ចៀសវាងឆ្លងមេរោគ
ចុចអាន៖ អាហារ៣ប្រភេទ មិនគួរដាក់កម្ដៅក្នុងម៉ៃក្រូវ៉េវ
ប្រែសម្រួល៖ ឡេង ភារុណ ប្រភព៖ Businessinsider