ទូរសព្ទ Meizu ស៊េរីថ្មីមាន RAM ដល់ 3GB តម្លៃថោកមិនគួរឲ្យជឿ

2016-04-26 15:52:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Meizu បានបញ្ចេញទូរសព្ទស៊េរីថ្មីមួយម៉ូដែលទៀតដែលមានតម្លៃថោកនិងមានសមត្ថភាពខ្លាំង ដើម្បីវាយលុកទីផ្សារស្មាតហ្វូន ដែលបន្តរីកដុះដាលខ្លាំង។

ម៉ូដែលចុងក្រោយនេះមានឈ្មោះថា Meizu M3 ដោយមានការរចនារូបរាងមិនប្រើប្រាស់សារធាតុលោហៈនោះឡើយ ពោលផលិតឡើងពីសារធាតុជ័រដែលមើលទៅស្រស់ស្អាតមួយបែប។ រូបរាងរបស់ទូរសព្ទនេះ គឺមានសភាពកោងនៅចំជ្រុងទាំងបួន ដែលជាការរចនាមួយដ៏ពេញនិយម។

និយាយពី Hardware របស់ទូរសព្ទគឺបំពាក់ដោយអេក្រង់ទំហំ៥អ៊ីញ អាចបង្ហាញរូបភាពក្នុងកម្រិត HD, មានបន្ទះ Chip ប្រភេទ MediaTek MT6750 SoC, RAM ទំហំ ២GB/៣GB និងអង្គផ្ទុកទិន្នន័យទំហំ ១៦GB/៣២GB ដោយអាចបន្ថែមទំហំបានតាមរន្ធសម្រាប់ដោតមេម៉ូរីកាត។

កាមេរ៉ាទំហំ ១៣MP ត្រូវបានបំពាក់លើទូរសព្ទនេះនៅផ្នែកខាងក្រោយ ហើយក៏មានកាមេរ៉ាខាងមុខទំហំ ៥MP សម្រាប់អ្នកចូលចិត្តថតរូប Selfie ថែមទៀតផង។ ទូរសព្ទនេះដែរអាចដំណើរការទៅបានដោយប្រើប្រាស់ថ្មមានថាមពល ២៨៧០mAh។

គួរបញ្ជាក់ថាក្រុមហ៊ុន Meizu បានបើកទទួលការកុម្ម៉ង់ទិញទុកមុននៃទូរសព្ទ M3 នេះក្នុងប្រទេសចិនដោយម៉ូដែល អង្គផ្ទុកទិន្នន័យ១៦GB/RAM ២GB មានតម្លៃ ៩២ដុល្លារ និង ម៉ូដែល អង្គផ្ទុកទិន្នន័យ៣២GB/RAM ៣GB មានតម្លៃ ១២៣ដុល្លារ៕

ចុចអាន៖ iPhone 7 អាចនឹងបំពាក់មុខងារថ្មីលើប៊ូតុង Home

ប្រែសម្រួល៖ ហៃ សុខហេង ប្រភព៖ PhoneArena