សារព័ត៌មានល្បីៗពិភពលោក ចុះផ្សាយព្រោងព្រាតពីដំរីតំបន់អង្គរស្លាប់
- 2016-04-26 16:15:19
- ចំនួនមតិ 0 | ចំនួនចែករំលែក 0
សារព័ត៌មានល្បីៗពិភពលោក ចុះផ្សាយព្រោងព្រាតពីដំរីតំបន់អង្គរស្លាប់
ចន្លោះមិនឃើញ
នៅថ្ងៃច័ន្ទទី២៥មេសា និងថ្ងៃនេះ ដំណឹងស្ដីពីដំរីតំបន់អង្គរឈ្មោះ "សំបូរ" ស្លាប់ ត្រូវបានសារព័ត៌មានល្បីៗជុំវិញពិភពលោកចាប់អារម្មណ៍ខ្លាំង អមជាមួយសារសោកស្ដាយ ចំពោះការបាត់បង់ជីវិតដំរីដ៏ស្លូតមួយក្បាលនេះ។ ដំរីកម្សត់ សំបូរ បានស្លាប់នៅថ្ងៃទី២២មេសា និងត្រូវបានគណនី Facebook ឈ្មោះ Yem Senok បង្ហោះដំបូងគេ បានរៀបរាប់ថា "គួរឲ្យអនិច្ចាសត្វដំរីនៅតំបន់អង្គរ ត្រូវបានគេប្រើដើម្បីបម្រើដឹកជញ្ជូនសេវាទេសចរណ៍ រហូតដួលដាច់ខ្យល់ស្លាប់"។
ក្រោយរូបភាពសាកសពដំរី សំបូរ ត្រូវបានគេចែករំលែកតៗគ្នារាប់ពាន់ រាប់ម៉ឺនដង នៅបណ្ដាញសង្គម Facebook គេហទំព័រ Change.org ក៏សម្រេចធ្វើញត្តិមួយនៅលើអនឡាញ ដោយនិយាយថា ដល់ពេលត្រូវបញ្ចប់ការជិះដំរីនៅឧទ្យានជាតិតំបន់អង្គរហើយ។ ប្រភពខាងលើបានលើកឡើងថា នេះជាពេលដែលមនុស្សមួយចំនួនត្រូវភ្ញាក់ខ្លួនឡើង និងបញ្ឈប់សកម្មភាពដ៏ឃោរឃៅទៅលើសត្វដ៏ស្លូតបូតនេះ។ បើមិនដូច្នោះទេ វានឹងអាចប៉ះពាល់ដល់វិស័យទេសចរណ៍ជាមិនខាន៕
ប្រែសម្រួល៖ ឡេង ភារុណ