ចង់ឱ្យស្បែកក្មេងជាងវ័យ ត្រូវជៀសវាង៦ចំណុច
- 2016-05-03 00:48:38
- ចំនួនមតិ 0 | ចំនួនចែករំលែក 0
ចង់ឱ្យស្បែកក្មេងជាងវ័យ ត្រូវជៀសវាង៦ចំណុច
ចន្លោះមិនឃើញ
ស្បែកតឹងណែន មើលទៅក្មេងជាងវ័យជាបំណងប្រាថ្នារបស់មនុស្សគ្រប់រូប ពិសេសនារីៗ។ តែយ៉ាងណាក៏ដោយលក្ខខណ្ឌធម្មជាតិ ស្បែកនឹងប្រែទៅជាជ្រួញ យាខ្មៅស្រអាប់ ពេលមនុស្សចម្រើនវ័យកាន់តែចាស់ ថែមទាំងមិនបានថែទាំស្បែកដិតដល់។
ស្ត្រីភាគច្រើនចាប់ផ្តើមលេចចេញស្នាមជ្រួញលើស្បែកមុខដំបូងបង្អស់ នៅចន្លោះវ័យពី២៥ ទៅ៣០ឆ្នាំ ស្នាមជ្រួញចាប់ផ្តើមកើតមាននៅជុំវិញរង្វង់ភ្នែក ។ ប្រសិនបើយើងបណ្តែតបណ្តាយទៅតាមធម្មជាតិដោយខ្វះការយកចិត្តទុកដាក់ក្នុងការថែទាំសុខភាពស្បែក នោះស្នាមជ្រួញមានកាន់តែច្រើន ហើយកាន់តែច្បាស់នៅជុំវិញមាត់ និងភ្នែក នៅវ័យ៤០ឆ្នាំឡើងទៅ។
ចង់ឲ្យស្បែកស្អាត ក្មេងជាងវ័យ តាមបែបធម្មជាតិ ដោយមិនបាច់ចំណាយថវិកាថែទាំ ឬកែសម្ជស្សទេ? ងាយបំផុត ដោយគ្រាន់តែជៀសវាងនូវ៦ចំណុចខាងក្រោម៖ ១.ស្បែកត្រូវកម្តៅព្រះអាទិត្យខ្លាំង និង ញឹកញាប់ ចន្លោះពីម៉ោង១០ព្រឹក ដល់ម៉ោង២រសៀល ២.ស្បែកខ្វះជាតិទឹក ឆាប់លេចចេញស្នាមជ្រួញជាងអ្នកដែលមានស្បែកធម្មតា ៣.របបអាហារប៉ះពាល់សុខភាព ដូចជា ជក់បារី សេពគ្រឿងស្រវឹង និង ផឹកកាហ្វេអ៊ីន ៤.គេងមិនគ្រប់គ្រាន់ ៥.តានតឹងអារម្មណ៍ ៦.កង្វះលំហាត់ប្រាណ
ប្រិសិនបើអាចកែប្រែចំណុចទាំង៦ខាងលើនេះបាន ដោយបន្ថែមលើការប្រើប្រាស់ផលិតផលមានគុណភាពក្នុងការថែទាំស្បែកទៀតនោះ ប្រិយមិត្ត ពិសេសសុភាពនារីពិតជាអាចលាក់បាំងអាយុរបស់ខ្លួន និង ពន្យារស្បែកកុំឲ្យចាស់តាមអាយុយ៉ាងមានប្រសិទ្ធភាព៕
អត្ថបទៈ លីដា