អង់គ្លេសប្រើឡាន Lamborghini ធ្វើតាក់ស៊ី ថ្លៃឈ្នួលញាក់សាច់
- 2016-05-06 21:23:20
- ចំនួនមតិ 0 | ចំនួនចែករំលែក 0
អង់គ្លេសប្រើឡាន Lamborghini ធ្វើតាក់ស៊ី ថ្លៃឈ្នួលញាក់សាច់
ចន្លោះមិនឃើញ
កំពូលឡានតាក់ស៊ីដំបូងគេបានបង្ហាញខ្លួននៅទីក្រុង Wolverhampton ប្រទេសអង់គ្លេស ជាមួយតម្លៃឈ្នួលថ្លៃកប់ពពក។ នេះបើតាមការចុះផ្សាយរបស់វិបសាយ International Business Times។
រថយន្តកំពូលដែលគេប្រើរត់តាក់ស៊ីនោះគឺម៉ូដែល Lamborghini Huracan មានតម្លៃយ៉ាងទាប ២៦០ ០០០ដុល្លារ។ ដោយសារតែរថយន្តនេះមានតម្លៃថ្លៃធ្វើឲ្យថ្លៃឈ្នួលខ្ពស់ទៅតាមហ្នឹងដែរ។ សម្រាប់ការជិះ ៩០នាទី ត្រូវបង់ប្រាក់ ៣៤៩ផោន (ប្រមាណ ៥០៥ដុល្លារ)។
រថយន្ត Lamborghini ពណ៌ខៀវខ្ចីនេះមិនដូចជាតាក់ស៊ីដទៃ ដោយវាមានកម្លាំងខ្លាំងដែលបង្កើតចេញពីម៉ាស៊ីនទំហំ៥លីត្រ និងអាចបើកក្នុងល្បឿនអតិបរមា ៣២១ គ.ម/ម៉។
នេះអាចជាកំពូលឡានតាក់ស៊ីដ៏អស្ចារ្យដំបូងគេក្នុងប្រទេសអង់គ្លេស ប៉ុន្តែសម្រាប់ទីក្រុងឌូប៉ៃវិញ មានកំពូលឡានតាក់ស៊ីរត់ព្រាតពេញទីក្រុង៕
ចុចអាន៖ Ferrari ម៉ាស៊ីនអគ្គិសនី ប្រើប្រអប់លេខ Porsche
ប្រែសម្រួល៖ ហៃ សុខហេង ប្រភព៖ IBTimes
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
