គង់ ចាន់ស្រីមុំ អបអរ "ទិវាគុណម្ដាយ” ដោយយកអំណោយចែកជនក្រីក្រ

2016-05-09 16:10:32
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង គង់ ចាន់ស្រីមុំ និងស្វាមី ក្រោយត្រឡប់ពីក្រេបទឹកឃ្មុំនៅកោះម៉ាល់ឌីវវិញ បានធ្វើកិច្ចការមនុស្សធម៌មួយ ដោយបានយកអំណោយទៅចែកជូនលោកតាលោកយាយ ពូមីង និងបងប្អូនជាច្រើននាក់ទៀត នៅតាមមាត់ទន្លេដើម្បីអបអរ "ទិវាគុណម្ដាយ” ។ នេះបើតាមគណនី Fcebook កញ្ញាបង្ហោះពីម្សិលមិញ។

ក្នុងរូបថតជាច្រើនសន្លឹកអមដោយសារជាមួយនោះ តារាសម្ដែងស្រីដែលទើបរៀបការថ្មោងថ្មីបានរៀបរាប់ថា "ថ្ងៃនេះខ្ញុំ និងក្រុម "យុវវ័យសប្បុរសធម៌" បាននាំគ្នាចូលរួមចែកអំណោយដល់លោកតាលោកយាយ ពូមីង និងបងប្អូនជាច្រើននាក់ នៅតាមមាត់ទន្លេរួមជាមួយ នឹងអំណោយបន្តិចបន្តួចដែលប្អូនស្រី Ah MoZa បានទទួលពីបងប្អូនសប្បុរសជនផ្សេងៗទៀត ។ ពួកយើងពិតជាមានអារម្មណ៍សប្បាយចិត្ត នៅពេលដែលឃើញពួកគាត់មកទទួលយ៉ាងរីករាយ ទាំងនេះ គឺជាទឹកចិត្តរបស់ពួកយើង ទោះបីជាតិច ឬច្រើន ក៏ពួកយើងបានធ្វើចេញពីទឹកចិត្ត "Happy mother day" ”។

តាមរយៈរូបភាពដែលបង្ហោះឃើញថា អំណោយទាំងនោះ មានដូចជា មី ទឹកត្រី ទឹកស៊ីអ៊ីវជាដើម៕