ប្រភពអះអាងថា កែវ វាសនា កំពុងរៀបការនៅខេត្តបន្ទាយមានជ័យ

2016-05-10 23:56:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តនៅលើបណ្ដាញសង្គមកំពុងជជែកគ្នា ពីព័ត៌មានរៀបការរបស់តារាចម្រៀង កែវ វាសនា កំពុងរៀបការភរិយានៅខេត្តបន្ទាយមានជ័យ បន្ទាប់ពីរសៀលនេះ បានបែកធ្លាយពីពិធីមង្គលនេះ នៅលើបណ្ដាញសង្គម។

ប្រិយមិត្តខ្លះ គ្រាន់តែសង្ស័យថាជាឈុតឆាកនៃការសម្ដែងក្នុងខារ៉ាអូខេ ឬភាពយន្តណាមួយ។ ប៉ុន្តែអ្នកខ្លះទៀតបានអះអាងថាជាការពិត។ ជាក់ស្ដែងគណនីហ្វេសប៊ុកម្នាក់ ឈ្មោះ Yada Nasara មិនត្រឹមអះអាងថា ជាការពិតទេ តែបានបង្ហើបទៀតថា កូនក្រមុំរបស់ កែវ វាសនា គឺជាកូនសេដ្ឋីនៅខេត្តជាយដែនមួយនេះទៀតផង។

ពាក់ព័ន្ធនឹងបញ្ហានេះ បុរសម្នាក់ដែលលើកទូរសព្ទរបស់ កែវ វាសនា តែមិនបានប្រាប់ថាជាអ្វីនឹងតារាចម្រៀងមកពីខេត្តកំពង់ឆ្នាំងរូបនេះ បានអះអាងថា កែវ វាសនា ពិតជា

រៀបការមែន។ "បាទពិតមែន...ហើយពេលនេះ គាត់កំពុងរវល់ទទួលភ្ញៀវ"។ បុរសមិនស្គាល់អត្តសញ្ញាណ ឆ្លើយខ្លីប៉ុណ្ណេះ ក៏បិទទូរសព្ទតែម្ដង។

យ៉ាងណា ពាក់ព័ន្ធបញ្ហានេះ លោក មាស សុខរតនៈ អ្នកចាត់ការទូទៅរបស់ផលិតកម្មថោន ដែល កែវ វាសនា កំពុងជ្រកកោន បានបញ្ជាក់ជាមួយ Sabay ថា លោកមិនបានដឹងរឿងនេះទេ។ " បងអត់ទាន់ដឹងព័ត៌មានដែរអូន...គ្រាន់តែលឺល្ហិចល្ហៀង គឺថាការនៅបន្ទាយមានជ័យដែរ" ៕