ISIS បាញ់ប្រហារ Fans ក្រុម Real Madrid ស្លាប់១៤នាក់
- 2016-05-14 15:18:11
- ចំនួនមតិ 0 | ចំនួនចែករំលែក 0
ISIS បាញ់ប្រហារ Fans ក្រុម Real Madrid ស្លាប់១៤នាក់
ចន្លោះមិនឃើញ
ក្រុមជ្រុលនិយម ISIS បានបាញ់រះក្នុងក្លឹបអ្នកគាំទ្រក្រុម Real Madrid មួយកន្លែងនៅទីក្រុង Samarra ចម្ងាយ១២៤គីឡូម៉ែត្រភាគខាងជើងទីក្រុង Baghdad ប្រទេសអ៊ីរ៉ាក់ ធ្វើឲ្យអ្នកគាំទ្រក្រុមស្ដេចស របួសយ៉ាងតិច២០នាក់ និងស្លាប់១៤នាក់ កាលពីម្សិលមិញ។
អ្នកគាំទ្រ Real ប្រហែលជាង៥០នាក់ បានជួបជុំគ្នាក្នុងក្លឹប ដើម្បីផឹកកាហ្វេ និងទស្សនាការប្រកួតរបស់ក្រុមស្ដេចស កំណត់ត្រាចាស់ៗឡើងវិញ ហើយពេលនោះពួក ISIS មានគ្នា៣នាក់ ប្រដាប់ដោយអាវុធ AK47 ៣ដើម បានបាញ់រះក្នុងក្លឹបនោះតែម្ដង ធ្វើមនុស្សស្លាប់១៤នាក់ និងរបួសជាង២០នាក់ ហើយឈាមដាបពាសពេញកម្រាលឥដ្ឋ។
បើតាមប្រធានអ្នកគាំទ្រក្លឹប Real Madrid ក្នុងទីក្រុង Samarra លោក Ziad Subhan បានឲ្យដឹងថា ក្រុមជ្រុលនិយម ISIS បានចូលទៅក្នុងហាងកាហ្វេ (សម្រាប់មើលបាល់ក្រុម Real) ជាមួយនឹងអាវុធ AK-47s ហើយបានបាញ់រះលើមនុស្សគ្រប់គ្នា ពេលកំពុងនៅក្នុងទីនោះតែម្ដង ដោយពួកគេប្រាប់ហេតុផលថា ពួកគេមិនចូលចិត្តបាល់ទាត់ និងគិតថាបាល់ទាត់ប្រឆាំងនឹងមូស្លីម៕
ប្រែសម្រួល៖ វិន ជីវ័ន្ត ប្រភព៖ TheSun