Galaxy C5 ចេញជាផ្លូវការ កម្លាំងខ្លាំង តែតម្លៃធូរថ្លៃ

2016-05-27 15:53:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតទូរសព្ទម៉ូដែលចុងក្រោយរបស់ក្រុមហ៊ុន Samsung បានបង្ហាញរូបរាងជាផ្លូវការ ដែលឃើញថាមិនខុសគ្នាពីរូបរាងបែកធ្លាយកន្លងមកឡើយ។

Galaxy C5 ជាទូរសព្ទផលិតឡើងសម្រាប់បុកចូលទីផ្សារប្រទេសចិន ដោយបំពាក់អេក្រង់ទំហំ ៥,២អ៊ីញ ប្រភេទ AMOLED Full HD និងមានកម្រាស់ត្រឹម ៦,៧ម.ម ប៉ុណ្ណោះ។ លើសពីនេះក៏មានបំពាក់បន្ទះ Chip Qualcomm Snapdragon 617 ជាមួយ RAM ៤GB និងអង្គផ្ទុកទិន្នន័យក្នុងម៉ាស៊ីនទំហំ ៣២GB ដែលអាចបន្ថែមទំហំបានជាមួយមេមូរីកាតដល់ ១២៨GB។

កាមេរ៉ាផ្នែកខាងក្រោយមានទំហំ ១៦MP និងខាងមុខទំហំ ៨MP ដោយសុទ្ធតែមាន Aperture ទំហំ f/1.9 ដូចគ្នា។ ទូរសព្ទដែលអាចប្រើប្រាស់ស៊ីមប្រភេទ 4G ចំនួនពីរនេះដែរ មានបំពាក់ថ្មទំហំ ២៦០០mAh គ្រប់គ្រាន់សម្រាប់ការប្រើពេញមួយថ្ងៃ។

ក្រុមហ៊ុន Samsung មិនបានបញ្ជាក់ទេថាទូរសព្ទម៉ូដែលនេះ នឹងលក់តែក្នុងប្រទេសចិន ឬយ៉ាងណា។ ចំពោះតម្លៃវិញគឺខុសគ្នាទៅតាមទំហំអង្គផ្ទុកទិន្នន័យដោយ ប្រភេទ ៣២GB តម្លៃប្រហែល ៣៣៥ដុល្លារ និង ៦៤GB តម្លៃប្រហែល ៣៦៥ដុល្លារ៕