ដៃ​គូ​ផ្គត់​ផ្គង់​មួយ​របស់​ក្រុមហ៊ុន​ Apple ទំនង​ជា​បាន​បញ្ជាក់​ពី​ចំណុច​ពិសេស​របស់​​ iPhone 8 ដែល​នឹង​ផលិត​ឡើង​ពី​សារធាតុ​កញ្ចក់​ ហើយគ្រោង​នឹង​បញ្ចេញ​នៅ​ឆ្នាំ​ក្រោយ​នេះ។

រូបរាង​គំរូ

លោក​ Allen Horng នាយក​ប្រតិបត្តិ​ក្រុមហ៊ុន ​Catcher Technology ដែល​​ផលិត​​សម្បក​​អាលុយ​មីញ៉ូម​​​ឲ្យ​​ទូរសព្ទ​  iPhone អស់​ជា​យូរ​ឆ្នាំ​មក​ហើយ​នោះ​បាន​ប្រាប់​​ដល់​សារព័ត៌មាន​ Asia ថា​ នឹង​មាន​ iPhone តែ​មួយ​ម៉ូដែល​ប៉ុណ្ណោះ​ នឹង​ប្រើ​ប្រាស់​សម្បក​ផលិត​ពី​សារធាតុ​កញ្ចក់​នៅ​ឆ្នាំ​ក្រោយ​នេះ។

លោក​បាន​បន្ថែម​ថា ការ​សម្រេច​ប្រើ​សម្បក​កញ្ចក់​​នេះ​ នឹង​មិន​ប៉ះពាល់​ដល់​សេដ្ឋកិច្ច​ក្រុមហ៊ុន​របស់​លោក​ឡើយ​ ព្រោះ​សម្បក​កញ្ចក់​នៅ​តែ​ត្រូវ​ការ​ គ្រោង​ដែក​រឹង​មាំ​មួយ​ ដើម្បី​គួប​ផ្សំ​ជា​មួយ​សារធាតុ​កញ្ចក់​ ហើយ​វា​នឹង​មាន​តម្លៃ​ថ្លៃ​ជាង​ សម្បក​អាលុយមីញ៉ូម​នា​ពេល​បច្ចុប្បន្ន។

កន្លង​មក​មាន​ពាក្យ​ចចាមអារ៉ាម​ច្រើន​មក​ហើយ​បាន​ផ្សព្វផ្សាយ​ថា​​ ក្រុមហ៊ុន​ Apple នឹង​ផលិត​ iPhone ដែល​ប្រើ​ប្រាស់​សម្បក​ធ្វើ​ពី​កញ្ចក់​ ហើយ​ជា​មួយ​នឹង​ការ​បញ្ជាក់​ថ្មី​ពី​សំណាក់​ CEO ​ក្រុមហ៊ុន​​​ផ្គត់​ផ្គង់​ ​កាន់​តែ​​ច្បាស់​ពី​វត្តមាន​ iPhone កញ្ចក់៕​​

ចុច​អាន៖ គំនូរ​មួយ​ផ្ទាំង​ធ្វើ​ឲ្យ​មេ​ Apple ​យល់​ថា​ iPhone កើត​​តាំង​ពី​ ៣៥០​ ឆ្នាំ​មុន

ប្រែ​សម្រួល៖ ហៃ​ សុខ​ហេង ប្រភព៖ Mashable​​​