EDC នឹងផ្អាកផ្គត់ផ្គង់ភ្លើងនៅតំបន់មួយចំនួនចាប់ពីថ្ងៃទី៣ ដល់ថ្ងៃទី៥

2016-06-01 18:35:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ពីថ្ងៃសុក្រទី៣ រហូតដល់ថ្ងៃអាទិត្យទី៥ ខែមិថុនាខាងមុខនេះ តំបន់មួយចំនួនក្នុងរាជធានីភ្នំពេញនឹងត្រូវផ្អាកការផ្គត់ផ្គង់អគ្គិសនីបណ្ដោះអាសន្នរយៈពេលពី ៨ ទៅ ៩ម៉ោង ដើម្បីអនុវត្តការងារជួសជុល ផ្លាស់ប្ដូរ ដំឡើងបរិក្ខារ និងរុះរើគន្លងខ្សែបណ្ដាញបង្កលក្ខណៈងាយស្រួលដល់ការដ្ឋានពង្រីកផ្លូវ។

ថ្ងៃសុក្រទី០៣ ខែមិថុនា ពីម៉ោង៨ព្រឹក ដល់ម៉ោង៤រសៀល នឹងផ្អាកតំបន់ដូចជា៖ ១. តំបន់ភ្លើងលេខ ប.ត558 ស្ថិតនៅភូមិភ្នំពេញថ្មី ក្នុងសង្កាត់ភ្នំពេញថ្មី ខណ្ឌសែនសុខ ២. តំបន់ភ្លើងលេខ P331 ស្ថិតនៅភូមិទួលគោក សង្កាត់ទួលសង្កែ ខណ្ឌឫស្សីកែវ ៣. តំបន់ភ្លើងលេខ P674 ស្ថិតនៅភូមិស្ទឹងជ្រៅ ឃុំដើមមៀន ស្រុកតាខ្មៅ ខេត្តកណ្ដាល ៤. តំបន់ភ្លើងមួយចំនួនដែលស្ថិតនៅភូមិសំរោង ភូមិអន្លង់ក្ងាន ក្នុងសង្កាត់ឃ្មួញ ខណ្ឌសែនសុខ ៥. តំបន់ភ្លើងមួយចំនួនដែលស្ថិតនៅភូមិកោះក្របី ភូមិព្រែកថ្មី ក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ

ថ្ងៃសៅរ៍ទី០៤ ខែមិថុនា ពីម៉ោង៨ព្រឹក ដល់ម៉ោង៤រសៀល នឹងផ្អាកតំបន់ដូចជា៖ ១. តំបន់ភ្លើងលេខ ប.ត558 ស្ថិតនៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ២. តំបន់ភ្លើងលេខ P007 ស្ថិតនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ ៣. តំបន់ភ្លើងលេខ P331 ស្ថិតនៅភូមិទួលគោក សង្កាត់ទួលសង្កែ ខណ្ឌឫស្សីកែវ ៤. តំបន់ភ្លើងមួយចំនួនដែលស្ថិតនៅភូមិឫស្សី ក្នុងសង្កាត់ស្ទឹងមានជ័យ ភូមិចំរើន ភូមិសន្សំកុសល ក្នុងសង្កាត់បឹងទំពុន ខណ្ឌមានជ័យ ៥. តំបន់ភ្លើងមួយចំនួនដែលស្ថិតនៅភូមិពោងពាយ ភូមិភ្នំពេញថ្មី ភូមិច្រេស ភូមិដំណាក់ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ

ថ្ងៃអាទិត្យទី០៥ ខែឧសភា ពីម៉ោង៨ព្រឹក ដល់ម៉ោង៥រសៀល នឹងផ្អាកតំបន់ដូចជា៖ ១. តំបន់ភ្លើងលេខ ប.ត603 ស្ថិតនៅក្នុងសង្កាត់វត្តភ្នំ ខណ្ឌដូនពេញ ២. តំបន់ភ្លើងមួយចំនួន ដែលស្ថិតនៅភូមិវាលស្បូវ ភូមិស្វាយតាអុក ភូមិព្រែកជាងព្រុំ ក្នុងសង្កាត់វាលស្បូវ ភូមិតាងៅ ភូមិបឹងឈូក ភូមិឫស្សីស្រស់ ក្នុងសង្កាត់និរោធ ខណ្ឌច្បារអំពៅ ៣. តំបន់ភ្លើងមួយចំនួនដែលស្ថិតនៅភូមិកោះក្របី ភូមិព្រែកថ្មី ក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ៕